ვახტანგ ვარნაზიშვილი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1987–1988წწ. ინტერნატურა გაიარა აკადემიკოს კ. ჩაჩავას სახელობის პერინატალური მედიცინის მეანობა–გინეკოლოგიის სამეცნიერო–კვლევით ინსტიტუტში. 1988–1989წწ. მუშაობდა კასპის რაიონულ საავადმყოფოში ექიმად; 1989–1990წწ. თეთრიწყაროს რაიონულ საავადმყოფოში ექიმად; 1994 წლიდან აკადემიკოს კ. ჩაჩავას სახელობის პერინატალური მედიცინის მეანობა–გინეკოლოგიის ინსტიტუტის თანამშრომელია. ავტორია 15 სამეცნიერო ნაშრომის, რომლებიც ეხება ჰიპოგალაქტიის პროფილაქტიკა–მკურნალობას და რეპროდუქტოლოგიის საკითხებს. ექიმი მეან–გინეკოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ჰიპოგალაქტიის მკურნალობა ჰელიუმ–ნეონური ლაზერის სხივით", დაიცვა 1995 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.101