დავით ვასაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1974 წელს.

1975–1979წწ. იყო რკინიგზის პოლიკლინიკის ექიმი–გინეკოლოგი; 1979–1982წწ. ასპირანტურის კურსი დაასრულა მოსკოვის მეანობა–გინეკოლოგიის საკავშირო სამეცნიერო–კვლევით ცენტრში; 1983–1986წწ. მუშაობდა აკადემიკოს ფიფიას სახელობის რკინიგზის საავადმყოფოში ექიმ–გინეკოლოგად; 1986 წლიდან რკინიგზის სამშობიარო სახლის სამეანო განყოფილების გამგეა. ავტორია 5 სამეცნიერო ნაშრომის, რომლებიც გამოქვეყნებულია საკავშირო და რესპუბლიკურ სამეცნიერო ჟურნალებსა და სამეცნიერო ნაშრომთა კრებულებში.

საკანდიდატო დისერტაციის თემა - "ორსულობის თვითნებითი შეწყვეტის მკურნალობა და პროფილაქტიკა ქალებში, რომლებსაც ანამნეზში აღენიშნებოდათ უშვილობის ენდოკრინული ფორმა", დაიცვა 1984 წელს მოსკოვში.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.102