დავით V

საქართველოს მეფე (1155), დემეტრე I-ის უფროსი ძე; უფლისწულობაში დიდებულ აზნაურთა ერთი ჯგუფის მხარდაჭერით შეთქმულება მოაწყო დემეტრე I-ის წინააღმდეგ, რომელსაც უმცროსი ვაჟის გიორგის გამეფება სურდა; თავდაპირველად დავითის ცდა მარცხით დამთავრდა, მაგრამ ბოლოს მაინც მიაღწია საწადელს; დემეტრე I იძულებული გახდა ბერად შემდგარიყო; ექვსი თვის მეფობის შემდეგ დავით V გარდაიცვალა და ტახტზე კვლავ დემეტრე I ავიდა, რომელმაც ტახტის მემკვიდრე გიორგი (შემდგომ გიორგი III) თანამოსაყდრედ დაისვა.

წყარო: საქართველო: ენციკლოპედია: ტ.2. – თბ., 2012. – გვ.267