დავით V (საქართველოს კათოლიკოს-პატრიარქი)

საქართველოს კათოლიკოს-პატრიარქი (1466-1479); გაერთიანებული ქართული სახელმწიფოს ბოლო კათოლიკოს–პატრიაქი; იბრძოდა ეკლესიური ერთიანობის შენარჩუნებისა და მცხეთის საპატრიარქო მფლობელობის აღდგენისათვის; მისი კათოლკისობის დროს ბაგრატ მეფემ შესწირა სვეტიცხოველს სოფელ დიღომში მცხოვრები გლეხები თავიანთი მამულებით, კახეთის მეფე ალექსანდრემ კი 1479 წელს ვეჟინისპირა სოფლები (ახალშენი და თორღიანი), ხოლო დავით ქაჩიბაძემ განუახლა სვეტიცხოველს სოფელი ყორანთის 1428 წლის შეწირულობა; დავით V–ის პატრიარქობის დროს საქრთველოში მყოფმა ანტიოქიისა და იერუსალიმის პატრიარქმა მიქაელმა აფხაზეთის(დასავ. საქართველოს) კათოლიკოსად აკურთხა ცაიშელ–ბედიიელი მთავარეპისკოპოსი იოაკიმე და შექმნა ეგრეთ წოდებული "ცნებაი სასჯულოი", რაც ხელს უწყობდა პოლიტიკურად დაშლილი საქართველოს ეკლესიურ გათიშვასაც; საეკლესიო სეპარატიზმმა, როგორც ჩანს თავი იჩინა კახეთშიც, ვინაიდან პატრიარქს ერთგულების წიგნს აძლევენ ალავერდელი ეპისკოპოსი გაბრიელი და სხვა უცნობი პირები, რომლებიც პირობას დებენ, რომ არ უორგულებენ მას და არც სხვა ბერსა თუ მონაზონს ინდომებენ კათოლიკოსად.

წყარო: საქართველო: ენციკლოპედია: ტ.2. – თბ., 2012. – გვ.267