The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



დავით V (საქართველოს კათალიკოსი)

დავით V
ოფიციალური სახელი:ხარიტონ დევდარიანი
დაბადების თარიღი:24 მარტი, 1903
გარდაცვ. თარიღი:9 ნოემბერი, 1977  (74 წლის ასაკში)
დაკრძალვის ადგილი:სიონის საკათედრო ტაძარი, თბილისი
კატეგორია:სასულიერო პირი

ბიოგრაფია

დაბადების ადგილი: სოფელი მირონწმინდა, ხარაგაულის რაიონი.

პირველდაწყებითი განათლება მიიღო სოფელ სარვეშის არასრულ სკოლაში; სწავლა განაგრძო ჭიათურის მღვიმის დედათა მონასტერში.

1918 წელს ქუთათელ–გაენათელი მიტროპოლიტის ანტონის ლოცვა–კურთხევით განაწესეს სოფელ მირონწმინდის წმ. ნიკოლოზის ეკლესიის მედავითნედ; 1927 წელს აკურთხეს საჩხერის ფერისცვალების ტაძრის მთავარ დიაკვნად, იმავე წელს მღვდლად და განაწესეს სარგეშის წმ. გიორგის ეკლესიის წინამძღვრად; 1930 წლიდან ღვთისმსახურებას ეწეოდა თბილისის სიონის საპატრიარქო ტაძარში; 1932-1945წწ. ქაშვეთის წმ. გიორგის ტაძარში; 1945-1947წწ. წმ. ნინოს ეკლესიაში, შემდეგ ისევ ქაშვეთის ტაძარში; 1956 წელს ბერად აღიკვეცა და აღყვანილ იქნა არქიმანდრიტის პატივში; იმავე წელს ღვთისმშობლის მიძინების დღეს ხელდასმულ იქნა ეპისკოპოსად და ჩაბარდა მარგვეთისა და ურბნისის ეპარქია; 1959 წელს დაინიშნა სრულიად საქართველოს კათოლიკოს–პატრიარქის ქორეპისკოპოსად; საქართველოს პატრიარქის მელქისედეკ III-ის გარდაცვალების შემდეგ მან უარი განაცხადა კათოლოკოს–პატრიარქის მესაყდრეობაზე; 1962 წლის 12 თებერვალს იგი აყვანილ იქნა მიტროპოლიტის ხარისხში, ხოლო 1972 წლის 1 ივნისს საქართველოს მე–11 საეკლესიო კრებამ სრულიად საქართველოს კათოლიკოს–პატრიარქად აირჩია; ინტონიზაცია შედგა 2 ივლისს სვეტიცხოვლის საპატრიარქო ტაძარში; მიღებული აქვს საეკლესიო ჯილდოები; სრულიად საქართველოს კათოლიკოს–პატრიარქი(1972-1977). საქართველოს კათოლიკოს-პატრიარქთა სიაში ცნობილია ორი დავით V. პირველი მოღვაწეობდა XV საუკუნეში, მეორე კი XX საუკუნეში. მართალია ეს უკანასკნელი რიგით მეექვსეა, მაგრამ რადგან იგი ხელს აწერდა დავით V-ის სახელით და დაუმკვიდრდა ეს სახელი, მისი რიგითობა უცვლელი დარჩა.

წყარო: საქართველო: ენციკლოპედია: ტ.2. – თბ., 2012. – გვ.268;

http://ka.wikipedia.org/wiki/დავით_V_(დევდარიანი)

ორგანიზაციის, ასოციაციის ან ჯგუფის წევრი

  • საქართველოს მშვიდობის დაცვის კომიტეტეი, წევრი
  • სსრკ მშვიდობის დაცვის კომიტეტეი, წევრი

ჯილდოები, პრემიები და პრიზები

  • მეორე პანაღეა, პედაგოგიური მოღვაწეობისათვის
  • მთავარმოწამე გიორგის I ხარისხის ორდენი
  • წმინდა ნინოს ორდენი

გააზიარე: