ლევან ანჯაფარიძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1926 წელს.

1926-1930წწ. იყო თბილისის სახელმწიფო უნივერსიტეტის სამკურნალო ფაკულტეტის ჰოსპიტალური თერაპიის კათედრის კლინიკის ექიმი; 1939–1949წწ. თბილისის გ. მუხაძის სახელობის ჰემატოლოგიისა და სისხლის გადასხმის სამეცნიერო-კვლევითი ინსტიტუტის კლინიკური განყოფილების გამგე; 1954–1968წწ. ხელმძღვანელობდა ექიმთა დახელოვნების თბილისის სახელმწიფო ინსტიტუტის თერაპიის II კათედრას; წლების განმავლობაში იყო თბილისის სახელმწიფო სამედიცინო ინსტიტუტის პედიატრიული და სანჰიგიენური ფაკულტეტების დოცენტი; ერთდროულად მუშაობდა რამდენიმე ადგილას: ავჭალის შრომა-გასწორების დაწესებულებაში, ვენეროლოგიისა და დერმატოლოგიის ინსტიტუტში, ჩხარის საავადმყოფოში, მეოთხე გაერთიანებულ დისპანსერში, შინსახკომის პოლიკლინიკაში, სისხლის გადასხმის ინსტიტუტში; კლინიკური ჰემატოლოგიის ფუძემდებელი და ენდოკრინოლოგიური კლინიკის ერთ-ერთი ორგანიზატორი საქართველოში; არის 80-მდე სამეცნიერო ნაშრომის ავტორი. აქტიურად მონაწილეობდა კონფერენციებში, ყრილობებში. მედიცინის მეცნიერებათა კანდიდატი (1938), დოცენტი (1941). ავტორია სახელმძღვანელოსი "შინაგანი სნეულებანი", (1961, თანაავტორებთან ერთად). ექიმი-თერაპევტი. 

წყარო: საქართველო: ენციკლოპედია: ტ.I.–თბ., 1997.–გვ.174; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 688-689; ლევან ანჯაფარიძე - კაცი, რომელმაც მედიცინა ხელოვნებად აქცია / ხუტა პაჭკორია ; ესაუბრა მარი აშუღაშვილი // ავერსი : შემეცნებით-გასართობი სამედიცინო ჟურნალი.-თბილისი, 2019.-N 9 (170).-გვ.60-64

• თბილისის თერაპევტთა სამეცნიერო საზოგადოება, თავმჯდომარე (1963-1970)
• ჰემატოლოგთა საერთაშორისო საზოგადოება, წევრი (1958-)

• 1964 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• შინაგანი სნეულებანი (თანაავტორი). - თბილისი, ცოდნა, 1961. - 367გვ.
• შინაგანი სნეულებანი და ავადმყოფის მოვლა : სახელმძღვ. საშ. სამედ. სასწ.. (ავტორი). - თბილისი, საქმედგამი, 1954. - 648გვ.