ვაჟა აბაკელია

დაბადების ადგილი: ქ. მარტვილი.

დაამთავრა თბილისის სახელმწიფო უნივერსიტეტის იურიდიული ფაკულტეტი.

1971-1979 წწ. ქ. თბილისის პარტიული ორგანიზაციების მუშაკი; 1980-1990 წწ. მუშაობდა თბილისის ნაძალადევის რაიონის სახალხო მოსამართლედ, მარტვილის სახალხო დეპუტატთა რაისაბჭოს აღმასკომის თავმჯდომარედ, საქართველოს კპ მარტვილის რაიკომის მდივნად; 1990-1991 წწ. იყო საქართველოს უზენაესი სასამართლოს თავმჯდომარის პირველი მოადგილე, სისხლის სამართლის კოლეგიის თავმჯდომარე; 1990-1991 წწ. საქართველოს პირველი მოწვევის უზენაესი საბჭოს წევრი, მაჟორიტარი, №65 მარტვილის საარჩევნო ოლქიდან; 1991-1992 წწ. საქართველოს გენერალური პროკურორი. ეწეოდა სამეცნიერო და პედაგოგიურ მოღვაწეობას. იყო კავკასიის საერთაშორისო  უნივერსიტეტის სამართლის სკოლის დეკანის მოადგილე. იუსტიციის ნამდვილი სახელმწიფო მრჩეველი. იურიდიულ მეცნიერებათა დოქტორი, პროფესორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 54

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს კანონმდებლობისა და კანონიერების დაცვის კომისია, წევრი (1990-1991)