ირაკლი ანჯაფარიძე

დაბადების ადგილი: სოფელი აბედათი, მარტვილის რაიონი.

დაამთავრა საქართველოს სასოფლო–სამეურნეო ინსტიტუტი.

1945–1949 წლებში იყო საქართველოს მეცნიერებათა აკადემიის მემინდვრეობის სამეცნიერო–კვლევითი ინსტიტუტის დირექტორი. 1953–1959 წლებში ქუთაისის სასოფლო–სამეურნეო ინსტიტუტის ნიადაგთმცოდნეობის კათედრის გამგე. 1959 წლიდან ეწეოდა სამეცნიერო–პედაგოგიურ საქმიანობას საქართველოს სასოფლო–სამეურნეო ინსტიტუტში. შეისწავლა საქართველოს ყავისფერი და დამლაშებული ნიადაგები. აგროქიმიური თვალსაზრისით გამოიკვლია საქართველოს უმთავრესი ნიადაგური ტიპები. პირველად დაამუშავა საქართველოს ნიადაგის აგროქიმიური კარტოგრამები. შეადგინა საქართველოს ნიადაგის ატლასი და ნიადაგთწარმომქმნელი ქანების რუკა. სოფლის მეურნეობის მეცნიერებათა დოქტორი (1967). პროფესორი (1968). ნიადაგთმცოდნე. მიღებული აქვს სახელმწიფო ჯილდოები. 

წყარო: საქართველო: ენციკლოპედია: ტ.I.–თბ., 1997.–გვ.174

• 1986 - საქართველოს მეცნიერებათა დამსახურებული მოღვაწე

• ნიადაგის ეროზია და მასთან ბრძოლა (თანაავტორი). - თბილისი, 1987. - 55გვ.
• მელიორაციული ნიადაგთმცოდნეობა (ავტორი). - თბილისი, განათლება, 1977. - 311გვ.
• საქართველოს ყავისფერი ნიადაგები (ავტორი). - თბილისი, საბჭ. საქართველო, 1972. - 146გვ.
• აკად. ვ. რ. ვილიამსის მოძღვრება მიწათმოქმედების ნათესბალახიანი სისტემის შესახებ (ავტორი). - თბილისი, საქ. სსრ მეცნ. აკად. გამ-ბა და სტ., 1950. - 120გვ.