Search
The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Parliamentary Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. Follow on Facebook
|
დავით X
| Date of birth: | 14?? |
|---|
| Date of death: | 1526 |
|---|
| Category: | Royalty |
|---|
Biography
ქართლის მეფე 1505-1525წწ., კონსტანტინე II-ის ძე; მის მეფობაში საქართველოს მეფე-მთავრებს შორის შინაფეოდალური ბრძოლა გრძელდებოდა; 1509 წელს აგვისტოში იმერეთის მეფემ ალექსანდრე II–მ დაიპყრო ქ. გორი და ქართლის ჩრდილო-დასავლეთი ნაწილი, რომელიც დავით X-მ 1510 წელს დაიბრუნა; დავით X-ს ებრძოდა და ქართლს არბევდა კახეთის მეფე გიორგი II (ავგიორგი); 1513 წელს, როდესაც ბაგრატ მუხრანბატონმა გიორგი II შეიპყრო, დავით X-მ კახეთი დაიპყრო, მაგრამ მეფის მემკვიდრე მცირეწლოვანი ლევანი მისმა მომხრე თავადებმა დამალეს; 1518 წელს ქართლს ირანელები შემოესიენ შაჰ ისმაილ I-ის მეთაურობით; დავით X-მ შაჰს მორჩილება აღუთქვა და ყოველწლიურად 300 საპალნე აბრეშუმის გადახდა იკისრა; კახეთის თავადებმა უფლისწული ლევანი მეფედ დასვეს; დავით X-მ კვლავ დაიპყრო კახეთი; ლევანი მაღნარის ციხეში გამაგრდა; დავით X-მ ალყა შემოარტყა ციხეს, მაგრამ ქართლში ოსმალთა რაზმის შემოსევის გამო იძულებული გახდა ალყა მოეხსნა და ქართლში დაბრუნებულიყო; ოსმალების განდევნის შემდეგ ლევანმა გაიმარჯვა; დავით X-მ ლევანი კახეთის მეფედ ცნო და მასთან მტრის წინააღმდეგ ერთობლივი ბრძოლის კავშირი დადო; 1522 წელს დავით X ისმაილ I-ის წინააღმდეგ თელეთის ბრძოლაში დამარცხდა; თბილისის ციხეში ყიზილბაშები ჩადგნენ; 524 წელს, ისმაილ I-ის გარდაცვალების შემდეგ, დავით X-მ თბილისი აიღო და ქართლის საზღვრებში შემოსახლებული თურქმანები განდევნა; 1525 წელს ტახტი თავის ძმას — გიორგის გადასცა, თავად ბერად აღიკვეცა დამიანეს სახელით.
წყარო: საქართველო: ენციკლოპედია: ტ.2. – თბ., 2012. – გვ.269
|
English 
Georgian
Suggest a Biography
