ზურაბ დავითაშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის გეოგრაფია–გეოლოგიის ფაკულტეტი 1976 წელს; თბილისის სახელმწიფო უნივერსიტეტის საზოგადოებრივ პროფესიათა მეორადი ფაკულტეტი საერთაშორისო ურთიერთობათა ისტორიის სპეციალობით 1978 წელს.

სხვადასხვა დროს სწავლობდა და მოღვაწეობდა მოსკოვის მ. ლომონოსოვის სახელობის, რაბათის (მაროკო), ჯონზ ჰოპკინზის და ტაფტის (აშშ) უნივერსიტეტებში; 1979 წლიდან მუშაობს თბილისის სახელმწიფო უნივერსიტეტში; 1996-2005წწ. იყო საერთაშორისო ურთიერთობების კათედრის გამგე; 1987-1991წწ. ხალხთა მეგობრობის მუზეუმის უფროსი მეცნიერ-თანამშრომელი; 1991-1996წწ. საქართველოს მეცნიერებათა აკადემიის ეროვნული ურთიერთობების კვლევების ცენტრის ეთნოსოციოლოგიის განყოფილების გამგე; 1992-1995წწ. საქართველოს პარლამენტის კვლევითი სამსახურის ექსპერტი; 1995-1999წწ. საქართველოს სახელმწიფო კანცელარიის საგარეო პოლიტიკის ანალიზის დეპარტამენტის კონსულტანტი; 2000-2004წწ. პოლიტოლოგიის ინსტიტუტის გეოპოლიტიკის განყოფილების ხელმძღვანელი; 2004-2008წწ. საქართველოს მე-6 მოწვევის პარლამენტის წევრი: პარტიული სიით, "ნაციონალური მოძრაობა-დემოკრატები", საგარეო ურთიერთობათა კომიტეტის წევრი; 2008-2009წწ. საქართველოს პრემიერ-მინისტრის მრჩეველი; 2005 წლიდან არის სოციალურ–პოლიტიკური მეცნიერებათა ფაკულტეტის საერთაშორისო ურთიერთობების მიმართულების ხელმძღვანელი; ავტორია 65 სამეცნიერო შრომის, მათ შორის: 3 მონოგრაფია, უმაღლესი სკოლის 3 და საშუალო სკოლის 5 სახელმძღვანელო; პოლიტიკურ მეცნიერებათა დოქტორი (2003), პროფესორი (2004). 

საკანდიდატო დისერტაციის თემა: - "მაროკოს ურბანიზაციისა და ქალაქების განვითარების ძირითადი საკითხები", დაიცვა 1982 წელს; სადოქტორო დისერტაციის თემა - "ნაციონალიზმი და საერთაშორისო პოლიტიკა: ტრანსფორმაცია-გლობალიზაციის ერაში", დაიცვა 2003 წელს.

წყარო: საქართველო: ენციკლოპედია: ტ.2. – თბ., 2012. – გვ.276; საქართველოს პარლამენტის ვებ-გვერდი: parliament.ge;  საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.143; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.100-101

• საერთაშორისო კვლევების მსოფლიო ასოციაცია, წევრი
• საქართველოს გეოგრაფიული საზოგადოება , წევრი
• საქართველოს მე–6 მოწვევის პარლამენტი, წევრი (2004-2008)
• საქართველოს პოლიტიკურ მეცნიერებათა ასოციაცია, წევრი
• საქართველოს საზოგადოებრივი მაუწყებლის სამეურვეო საბჭო, წევრი (2009-)

• ნაციონალიზმი და გლობალიზაცია (ავტორი). - თბილისი, მეცნიერება, 2003. - 446გვ.. - ISBN: 99940-735-7-5
• მსოფლიოს ისტორიული და პოლიტიკური გეოგრაფია : სახელმძღვ. უმაღლ. სასწ. სტუდ.-თვის (ავტორი). - თბილისი, ს/ს "პირველი სტამბა", 2001. - 159გვ.