ვიქტორ ზარქუა

დაბადების ადგილი: ქ. სოხუმი.

დაამთავრა ვინნიცის (უკრაინა) სახელმწიფო სამედიცინო ინსტიტუტის სამკურნალო ფაკულტეტი 1950 წელს.

1951–1957წწ. იყო სოხუმის მეორე საავადმყოფოს ქირურგიული განყოფილების ორდინატორი; 1957–1965წწ. აფხაზეთის რესპუბლიკური საავადმყოფოს ქირურგიული განყოფილების ორდინატორი; 1965–1993წწ. ამავე განყოფილების გამგე; 1981–1993წწ. აფხაზეთის ჯანდაცვის სამინისტროს მთავარი ქირურგი; იყო სამამულო ომის ინვალიდთა რესპუბლიკური კლინიკური ჰოსპიტლის ქირურგი. ავტორია 35 სამეცნიერო ნაშრომის, რომლებიც ეხება ორგანიზმში ემოციურ ცვლილებებს ოპერაციულ ტრავმასთან დაკავშირებით და კუჭის სეკრეციულ–მოტორული ფუნქციების შესწავლას რეზექციამდე და შემდგომ პერიოდში. ექიმი–ქირურგი, მედიცინის მეცნიერებათა კანდიდატი.

საკანდიდატო დისერტაციის თემა - "ქირურგიულ ავადმყოფთა წინასაოპერაციოდ მომზადებისა და ოპერაციის შემდგომ პერიოდში გატარების საკითხები", დაიცვა 1962 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.108; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.202

• აფხაზეთის ასსრ ქირურგთა საზოგადოება, თავმჯდომარე (1981-1993)
• სამეცნიერო–პედაგოგიური ჟურნალის "მედიკოსი"–ს სარედაქციო კოლეგია, წევრი

• 1994 - მედალი "მხედრული მამაცობისთვის"
• 1981 - საქართველოს დამსახურებული ექიმი
• 1975 - აფხაზეთის ასსრ დამსახურებული ექიმი