მანანა კორძაია

დაბადების ადგილი: ქ. თბილისი.

დაამთავრა ვ. სარაჯიშვილის სახელობის თბილისის სახელმწიფო კონსერვატორია 1967 წელს(თეორიულ–საკომპოზიციო), ივ. ჯავახიშვილის სახელობის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1969 წელს(ინგლისური).

1965-1971წწ. მუშაობდა საქართველოს ტელევიზიისა და რადიო მაუწყებლობის კომიტეტის მუსიკალურ გადაცემათა რედაქციის რედაქტორად; 1966 წლიდან იყო თბილისის III სამუსიკო სკოლის, 1972 წლიდან II სამუსიკო სასწავლებლის, 1980 წლიდან ცენტრალური მუსიკალური სკოლის პედაგოგი; 1972-1986წწ. იყო საქართველოს კულტურის სამინისტროს სარედაქციო-სარეპერტუარო კოლეგიის წევრი; 1986-1996წწ. გამომცემლობა "ხელოვნების" მუსიკისა და ხალხური შემოქმედების რედაქციის გამგე; 1996- 2006წწ. საქართველოს პარლამენტის განათლების, მეცნიერების, კულტურისა და სპორტის კომიტეტის წამყვანი სპეციალისტი კულტურის სფეროში; მიყავდა სალექციო კურსი მუსიკის ისტორიაში თბილისის სახელმწიფო უნივერსიტეტის ხელოვნების ფაკულტეტზე და ბათუმის ხელოვნების ინსტიტუტში; ამჟამად მოღვაწეობს ვანო სარაჯიშვილის სახელობის თბილისის სახელმწიფო კონსერვატორიაში, სადაც დააფუძნა ახალი მიმართულება – მუსიკალური ჟურნალისტიკის საფუძვლები; 2009 წლიდან ლექციებს კითხულობს ილიას სახელმწიფო უნივერსიტეტში; გამოქვეყნებული აქვს პუბლიკაციები წიგნებში: ნ. ანდღულაძე, "ჰომო - კანტოს", "ნანი", "ბიძინა კვერნაძე", "ლადო ათანელი"; ავტორია წიგნისა "მედეა ამირანაშვილი"(2009, გამომცემლობა "ფორმა"); არის ალექსი მაჭავარიანის მოგონებების წიგნის "შემოქმედი და დრო" შემდგენელი და ლიტერატურული ვერსიის ავტორი(2009, გამომცემლობა "მინიატურა"); მისი რედაქტორობით გამოცემულია წიგნები: ივ. ჯავახიშვილი - "ქართული მუსიკის ისტორიის ძირითადი საკითხები", ა. წულუკიძე - "შალვა მშველიძე", მ. ფიჩხაძე - "სულხან ცინცაძე", რ. წურწუმია - "მეოცე საუკუნის ქართული მუსიკა"; საენციკლოპედიო სტატიები: ქართულ საბჭოთა ენციკლოპედიაში, ქართული გვერდი ლა რუსის საყმაწვილო ენციკლოპედიაში "მუსიკა", მონაწილეობს თეატრალური ენციკლოპედიის სამუშაო ჯგუფში; ბუკლეტები: "თბილისის ოპერისა და ბალეტის თეატრი"(1984, თბილისი), "ევგენი მიქელაძე", "იაშვილების ოჯახი".

 წყარო: Композиторы и музыковеды грузии. – тб., 1984. - გვ. 226; music.iliauni.edu.ge

• საბჭოთა კავშირის კომპოზიტორთა კავშირი, წევრი (1978-1991)

• ქართული მუსიკა : წერილები (თანაავტორი) // ტ. 27. - თბილისი, ციცინათელა : აკაკი ბრეგაძე, 2013. - 304გვ.. - ISBN: 978-9941-9300-5-8
• მედეა ამირანაშვილი = Medea Amiranashvili = Медея Амиранашвили (ავტორი). - თბილისი, ფორმა, 2009. - 164გვ.. - ISBN: 978-9941-0-1749-0