მირა ფიჩხაძე

დაბადების ადგილი: ქ. ქუთაისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1948 წელს(თეორიულ–საკომპოზიციო).

1948 წლიდან ეწეოდა პედაგოგიურ მოღვაწეობას და თანამშრომლობდა რესპუბლიკურ და ცენტრალურ პრესასთან; 1948–1952წწ. ასწავლიდა თბილისის V მუსიკალურ სკოლაში, 1952–1972წწ. II სამუსიკო სასწავლებელში; 1950–1960წწ. იყო საქართველოს რადიოს მუსიკალური რედაქტორი; 1953–1959წწ. ზაქარია ფალიაშვილის სახელობის თბილისის ოპერისა და ბალეტის თეატრის მუსიკალურ–ლიტერატურული ნაწილის გამგე; 1973 წლიდან შოთა რუსთაველის სახელობის თბილისის თეატრალური ინსტიტუტის უფროსი მასწავლებელი, 1976 წლიდან მუსიკალური თეატრის კათედრის დოცენტი და თეატრისა და კინოს სამეცნიერო–კვლევითი სექტორის უფროსი მეცნიერთანამშრომელი; დაწერილი აქვს: წიგნები("საქართველოს სახელმწიფო სიმფონიური ორკესტრი" 1958,  "საქართველოს სახელმწიფო ხალხური სიმღერისა და ცეკვის დამსახურებული ანსამბლი" 1972, "ალექსანდრე შავერზაშვილი" 1983, "საქართველოს მუსიკალური კომედიის თეატრი"), ნაშრომები კრებულებად(1975 - "თ. ვახვახიშვილის მუსიკა კ. მარჯანიშვილის სპექტაკლში "ურიელ აკოსტა" - 1982, "ა. ბალანჩივაძის მუსიკა კ. მარჯანიშვილის სპექტაკლში"), სტატიები და რეცენზიები პერიოდულ ბეჭვდურ გამოცემებში, ჟურნალებში(1958, "ბ. კვერნაძის ახალი სავიოლინო კონცერტი", 1959 - "შალვა მშველიძის ინდური სიუიტა", 1972 - "რევაზ გაბიჩვაძე", 1973 -"დიმიტრი არაყიშვილი", 1980 -"ქეთო და კოტე"); ხელოვნებათმცოდნეობის კანდიდატი.

საკანდიდატო დისერტაციის თემა – "ქართული ოპერეტის სათავეები", დაიცვა 1973 წელს.

წყარო: Композиторы и музыковеды грузии. – тб., 1984. - გვ. 311

• საბჭოთა კავშირის კომპოზიტორთა კავშირი, წევრი (1956-1991)
• საქართველოს თეატრალური საზოგადოება, წევრი (1972-1991)

• 1976 - საქართველოს ხელოვნების დამსახურებული მოღვაწე