შალვა დავითაშვილი

დაბადების ადგილი: ქ. თელავი.

დაამთავრა სახელმწიფო კონსერვატორიის საკომპოზიტორო ფაკულტეტი 1962 წელს.

1961 წლიდან ეწეოდა პედაგოგიურ მოღვაწეობას; 1966-1968წწ. იყო ახალქალაქის სამუსიკო სკოლის დირექტორი; 1969 წლიდან თბილისის II სამუსიკო სასწავლებლის პედაგოგი (თეორიული დისციპლინები, კომპოზიცია); 1993-2011წწ. თბილისის ზ. ფალიაშვილის სახელობის მუზეუმის დირექტორი; მისი ნაწარმოებებია: 2 ბალეტი – "ვეფხი და მოყმე" (1978, დაიდგა ქუთაისის ოპერისა და ბალეტის თეატრში), "ზვიადაური" (1985, დაიდგა ქუთაისის ოპერისა და ბალეტის თეატრში), 2 სიმფონია – "უშბა" (1963, 1991), 3 სიმფონიური პოემა – "ვეფხი და მოყმე" (1960), "9 აპრილი" (1992), "დავით აღმაშენებელი" (1994), კლარნეტისა და ფლეიტის კონცერტები (1981-2001), 3 კანტატა, ვოკალურ–სიმფონიური ციკლები ი. ჭავჭავაძისა და ვაჟა-ფშაველას ლექსებზე (1992-1995), რომანსები ქართველი პოეტების ლექსებზე (2002-2008), გუნდები, სიმღერები, მუსიკა – სპექტაკლების, დოკუმენტური და თოჯინური ფილმებისათვის.

წყარო: საქართველო: ენციკლოპედია: ტ.2. – თბ., 2012. – გვ.279; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.315

• საქართველოს კომპოზიტორთა კავშირის გამგეობა, წევრი (1979-)

• 2010 - თბილისის საპატიო მოქალაქე
• 2001 - ვაჟა-ფშაველას სახელობის პრემია
• 1998 - ღირსების ორდენი
  ქართული მუსიკალური ხელოვნების განვითარებაში შეტანილი პირადი წვლილისათვის, ნაყოფიერი პედაგოგიური, შემოქმედებითი და საზოგადოებრივი მოღვაწეობისათვის
• 1983 - საქართველოს ხელოვნების დამსახურებული მოღვაწე