გიორგი გეგელაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტი 1981 წელს.

1981-1983წწ. კლინიკური და ექსპერიმენტული კლინიკის ნევროლოგიის ინსტიტუტის ორდინატურა; 1984-1990წწ. თბილისის კლინიკური და ექსპერიმენტული ნევროლოგიის ინსტიტუტი, უმცროსი მეცნიერ-თანამშრომელი; 1990-1994წწ. კლინიკური და ექსპერიმენტული ნევროლოგიის ინსტიტუტის კლინიკური ნევროლოგიის განყოფილება, მეცნიერ-მუშაკი;  1994-1995წწ. დირექტორის მოადგილე, მთავარი ექიმის მოადგილე; 1995-2002წწ. თბილისის "ოფთალმოლოგიისა და ნევროლოგიის ეროვნული ცენტრი", მთავარი ექიმი (ნევროლოგიური ბაზა) შეთავსებით მუშაობა; 1989-1993წწ. ბრიტანულ-საბჭოთა ერთობლივი საწარმო "უნიფარმი" - მთავარი კონსულტანტი; 1992-1994წწ. სააქციო საზოგადოება "მედსერვისი" - სამეთვალყურეო საბჭოს წევრი (ქ. მოსკოვი); 1999-2000წწ. მსოფლიო ჯანდაცვის ორგანიზაციის "წამლის პოლიტიკის" პროგრამის დირექტორი (თბილისი); 2001-2003წწ. საქართველოს შინაგან საქმეთა სამინისტროს მთავარი სპეციალისტი-ნევროლოგი; 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით. საერთაშორისო ინიციატივა "აღმოსავლეთ ევროპისა და აზიის პაციენტთა ორგანიზაციები პაციენტთა უფლებებისა და უსაფრთხოებისათვის" მთავარი სამეცნიერო მრჩეველი, სამედიცინო დიაგნოსტიკური ცენტრის "ნეოკლინიკა" ნევროლოგი, დავით მეტრეველის სამედიცინო ცენტრის მთავარი ნევროლოგი.

წყარო: საქართველოს პარლამენტი:parliament.ge; vidal.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 111

• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის ფრაქცია "ერთიანი ნაციონალური მოძრაობა-დემოკრატები", წევრი (2004-2008)
• საქართველოს მე-6 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, კომიტეტის თავმჯდომარის მოადგილე (2004-2008)