ომარ თედორაძე

დაბადების ადგილი: სოფელი თოკი, დაბა ასპინძა.

დაამთავრა საქართველოს სასოფლო-სამეურნეო ინსტიტუტის მექანიზაციის ფაკულტეტი 1972 წელს.

1978 წელს მუშაობა დაიწყო საქართველოს აგრარულ უნივერსიტეტში. 1980 წელს აირჩიეს მოსავლის ამღები მანქანების კათედრის გამგედ; 2005–2006 წწ. იყო აგროსაინჟინრო ფაკულტეტის დეკანი და სოფლის მეურნეობის მექანიზაციის დეპარტამენტის უფროსი; 2006-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2008–2010 წწ. ხელმძღვანელობდა საქართველოს სოფლის მეურნეობის სამინისტროს რეგიონული მართვის დეპარტამენტს, ხოლო 2010 წლიდან–ამავე სამინისტროს ტექნიკურ და ტექნოლოგიების სამმართველოს. შეთავსებით  კითხულობდა ლექციებს საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტზე. ო. თედორაძის ძირითადი შრომები ეხება მცენარეული მასის ჭრის თეორიას და შესაბამისი მანქანების კონსტრუქციების სრულყოფას. ავტორია პრაქტიკული რეკომენდაციებისა ფერმერთათვის და სახელმძღვანელოებისა აგროსაინჟინრო ფაკულტეტის სტუდენტებისათვის. მიღებული აქვს 17 საავტორო მოწმობა გამოგონებაზე. აზერბაიჯანის აგრარული უნივერსიტეტისა და სომხეთის აგრარული უნივერსიტეტის საპატიო დოქტორი, ინჟინერმექანიზატორი, ტექნიკურ მეცნიერებათა დოქტორი (1998), პროფესორი (2000). 

წყარო: საქართველო: ენციკლოპედია: ტ.III.–თბ., 2014. გვ.641;  საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.171;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.278

• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის აგრარულ საკითხთა კომიტეტი, წევრი (2004-2008)
• საქართველოს მე-6 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (2004-2008)
• საქართველოს მე-6 მოწვევის პარლამენტის ფრაქცია "ერთიანი ნაციონალური მოძრაობა-დემოკრატები", წევრი (2004-2008)

• 1999 - ღირსების ორდენი
  სტუდენტი ახალგაზრდობის აღზრდა-განათლებაში, აგროსამრეწველო კომპლექსის დარგებისათვის მაღალკვალიფიციური კადრების მომზადებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის

• მცირე ფერმერული მეურნეობისათვის საკვებწარმოების "შეფუთული" სენაჟის ტექნოლოგიისა და ტექნიკური საშუალებების დამუშავება (Editor). - თბილისი, ქართული წიგნი, 2012. - 144გვ.