ოთარ ჩიჯავაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1952 წელს(თეორიულ-საკომპოზიციო).

1953 წლიდან ეწეოდა პედაგოგიურ საქმიანობას, 1957 წლიდან იყო უფროსი მასწავლებელი, 1966 წლიდან ვ. სარაჯიშვილის სახელობის თბილისის სახელმწიფო კონსერვატორიის მუსიკის თეორიისა და ხალხური მუსიკის შემოქმედების კათედრის დოცენტი; 1965 წლიდან კითხულობდა მუსიკის ისტორიის კურსს თბილისის სახელმწიფო უნივერსიტეტში; სხვადასხვა დროს იყო საქართველოს მუსიკალურ-ქორეოგრაფიული საზოგადოების ფოლკლორის სექციის ხელმძღვანელი; 1954 წლიდან ეწეოდა ფოლკლორისტულ-შემკრებლობით საქმიანობას, ჩატარებული აქვს 53 ექსპედიცია და ჩაწერილი აქვს 2000-მდე ხალხური სიმღერა, აქედან სანოტო კრებულის სახით გამოყვეყნებული აქვს "კახური სიმღერების" ორი ტომი, "მეგრული სიმღერები", გამოუქვეყვებელი დარჩა "ლეჩხუმური სიმღერები", "შრომის სიმღერები დასავლეთ საქართველოში"; ძირითადი ნაშრომებია: "ქართული მრავალხმიანობის ზოგიერთი საკითხები"(1955, "საბჭოთა ხელოვნება"), "ქართული ხალხური საკრავები"(1959, "საბჭოთა ხელოვნება"), "ქალაქის სიმღერა და ქართველი რომანტიკოსები"(1961, "საბჭოთა ხელოვნება"), "ქართული კახური ხალხური სიმღერები"(1962, I ნაწილი), "ქართული ხალხური სიმღერები"(1969, II ნაწილი, კახური), "ქართული ხალხური სიმღერები. მეგრული"(1974), "ქართული საეკლესიო გალობის სწავლების მეთოდიკის საკითხისათვის ძველ საქართველოში"(1991); გარდაცველების შემდეგ გამოიცა შემდეგი მისი ნაშრომები: "ქართული მუსიკალური ფოლკლორის მცირე ენციკლოპედიური ლექსიკონი"(2009), "საკრავები ძველ საქართველოში"(2009); ასევე, სცენარის ავტორია ფილმებისა: "ზვიგენის კბილი"(1959), "თხუნელა"(1962). 

წყარო: Композиторы и музыковеды грузии. – тб., 1984. - გვ. 404; ტრადიციული მრავალხმიანობის კვლევის საერთაშორისო ცენტრის ვებ-გვერდი: polyphony.ge; ეროვნული ფილმოგრაფია: geocinema.ge

• საბჭოთა კავშირის კომპოზიტორთა კავშირი, წევრი (1954-1991)

• 1980 - საქართველოს ხელოვნების დამსახურებული მოღვაწე