დავით ბატონიშვილი

იყო თეიმურაზ I-ის ვაჟი; ერეკლე I-ის მამა; ცოლად ჰყავდა კათალიკოს ევდემოზ დიასამიძის ძმისწული ელენე; 1626 წელს მას საუფლისწულოდ მუხრანი გადაეცა, მაგრამ 1638 წელს, თეიმურაზის ქართლიდან განდევნის შემდეგ, ეს სამფლობელო კვლავ მუხრანბატონებმა დაიბრუნეს; იგი მამასთან ერთად აქტიურად მონაწილეობდა კახეთის სამეფოს საშინაო და საგარეო პოლიტიკის წარმართვაში; ზოგჯერ მამას, თეიმურაზ I–ს ოპოზიციაში ედგა; 1648 წელს დაიღუპა ქიზიყში, სოფელ ძველ ანაგასთან, თეიმურაზსა და როსტომ–ხანის ჯარებს შორის გამართულ ბრძოლაში.

წყარო: საქართველო: ენციკლოპედია: ტ.2. – თბ., 2012. – გვ.279