ტოტო აჯაპუა

დაბადების ადგილი: სოფელი ოთაფი, ოჩამჩირის რაიონი.

დაამთავრა ქ. სოხუმის პედაგოგიური ინსტიტუტი 1963 წელს(აფხაზური ენა და ლიტერატურა), ვანო სარაჯიშვილის სახელობის თბილისის სახელმწიფო კონსერვატორია 1969 წელს(ვოკალური), 1977 წელს(საკომპოზიციო).

1958–1959წწ. იყო სოფ. ოთაფის მოსწავლეთა გუნდის ხელმძღვანელი, 1963–1964წწ. აფხაზური ენისა და ლიტერატურის მასწავლებელი სოხუმის სამუსიკო სასწავლებელში; 1965–1968წწ. შ. რუსთაველის სახელობის თბილისის თეატრალურ ინსტიტუტის სამსახიობო ფაკულტეტის აფხაზური ენის მეტყველების კულტურის პედაგოგი–კონსულტანტი; 1969–1971წწ. ზ. ფალიაშვილის სახელობის თბილისის ოპერისა და ბალეტის თეატრის სტაჟორი–სოლისტი; 1971 წლიდან აფხაზეთის სახელმწიფო ფილარმონიის სოლისტი, 1972 წლიდან აფხაზეთის სახელმწიფო საგუნდო კაპელის სოლისტი, 1976 წლიდან დირექტორი; დაწერილი აქვს: საგუნდო ნაწარმოებები – "ეფრემ ეშბა" კანტატა სოლისტის, შერეული გუნდისა და ფორტეპიანოსათვის(1970), "აფხაზეთის დიდებული კედელი" კანტატა გუნდისათვის ა კაპელა(1973), "ფიქრები სამშობლოზე" კანტატა სოლისტების, შერეული გუნდისა და სიმფონიური ორკესტრისათის(1977, 2 ნაწილად); კამერულ–ინსტრუმენტული ნაწარმოებები – 8 მსუბუქი ვარიაცია ფორტეპიანოსათვის, სკერცო ფორტეპიანოსათვის, სონატინა ფლეიტისა და ფორტეპიანოსათვის, პიესა ვიოლინოსა და ფორტეპიანოსათვის, პიესა კლარნეტისა და ფორტეპიანოსათვის; დამუშავებული აქვს აფხაზური ხალხური სიმღერები(40–ზე მეტი).

წყარო: Композиторы и музыковеды грузии. – тб., 1984. - გვ. 474 

• საბჭოთა კავშირის კომპოზიტორთა კავშირი, წევრი (1978-1991)