ნინო ნაკაშიძე

დაბადების ადგილი: ქ. თბილისი.

დაამთავრა თბილისის ილია ჭავჭავაძის სახელობის უცხო ენათა პედაგოგიური ინსტიტუტი ინგლისური და გერმანული ენების ფაკულტეტი 1977 წელს. ამერიკული სწავლების ფულბრაიტის პროგრამა, ლუიზიანას შტატის უნივერსიტეტი, აშშ 2000 წელს; აშშ კონგრესის დემოკრატიის მხარდაჭერის პროგრამა 2006 წელს; სამთავრობო სწავლების პროგრამა, ტოკიო, იაპონია 2007 წელს.

1977-1980წწ. მოსკოვის მ. ტორეზის სახელობის უცხო ენათა პედაგოგიური ინსტიტუტის ფილოლოგიის ფაკულტეტის ინგლისური ენის კათედრის ასპირანტი; 1982-1985წწ. საქართველოს ზოოტექნიკურ-სავეტერინარო სასწავლო კვლევითი ინსტიტუტის რუსული და უცხო ენების კათედრის ასისტენტი; 1985-1989წწ. უფროსი მასწავლებელი; 1989-1993წწ. საქართველოს ზოოტექნიკურ-სავეტერინარო სასწავლო კვლევითი ინსტიტუტის კათედრის დოცენტი; 1993-1998წწ. საქართველოს ტექნიკური უნივერსიტეტის ინგლისური ენის კათედრის უფროსი მასწავლებელი; 1994-2010წწ. საქართველოს საზოგადოებრივ საქმეთა ინსტიტუტის (GIPA) ასოცირებული პროფესორი; 1995-2005წწ. საქართველოს ტექნიკური უნივერსიტეტის ასოცირებული პროფესორი; 1982-1993წწ. საქართველოს აგრარული უნივერსიტეტის ასოცირებული პროფესორი; 1998 წლიდან საქართველოს ტექნიკური უნივერსიტეტი, ინგლისური ენის კათედრის დოცენტი; 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2008-2013წწ. საქართველოს საგარეო საქმეთა სამინისტროს ევროპის საბჭოს სამმართველოს უფროსი; 2008-2013წწ. საქართველოს საგანგებო და სრულუფლებიანი ელჩი ჩეხეთის რესპუბლიკაში; მინიჭებული აქვს საგანგებო და სრულუფლებიანი ელჩის დიპლომატიური რანგი; 2013-2019წწ. იყო სამაუწყებლო კომპანია რუსთავი 2-ს გენერალური დირექტორის მოადგილე; 2019 წლიდან სამაუწყებლო კომპანია მთავარი არხის გენერალური დირექტორის მოადგილე; ფილოლოგიურ მეცნიერებათა დოქტორი; სამეცნიერო სტატიებისა და სახელმძღვანელოების ავტორი. მიღებული აქვს ევროპის პრიზი ხელოვნებისა და კულტურის მხარდაჭერისთვის.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ. 271;  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.124

• ამერიკული სწავლების ასოციაციის დირექტორთა საბჭო, წევრი (2002-2008)
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის ევროპასთან ინტეგრაციის კომიტეტი, კომიტეტის თავმჯდომარე (2007-2008)
• საქართველოს მე-6 მოწვევის პარლამენტის ევროპასთან ინტეგრაციის კომიტეტი, წევრი (2004-2007)
• საქართველოს მე-6 მოწვევის პარლამენტის საგარეო ურთიერთობათა კომიტეტი, კომიტეტის თავმჯდომარის მოადგილე (2005-2008)
• საქართველოს მე-6 მოწვევის პარლამენტის ფრაქცია "ერთიანი ნაციონალური მოძრაობა-დემოკრატები", წევრი (2004-2008)