ნიკოლოზ ნაჭყებია

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი სპეციალობით მრეწველობის ეკონომიკა 1995 წელს.

1989-1991წწ. თბილისის სამშენებლო-სამონტაჟო N2 სამმართველოს ბეტონის დამამზადებელი; 1990-1992წწ. სავალდებულო სამხედრო სამსახური; 1991-1994წწ. კონდენცირებისა და ვენტილაციის სპეციალიზებული გამმართველი სამმართველოს მე-2 თანრიგის ზეინკალი; 1994-1996წწ. ავიაკომპანია "მიმინოს" კონტროლიორ-მაგისტრატორი; 1996-1997წწ. თბილისის საკუთრების დაცვის პოლიციის მომარაგების აგენტი; 1997-2000წწ. საქართველოს შსს მატერიალურ-ტექნიკური და ფინანსური უზრუნველყოფის დეპარტამენტის სახაზინო სამსახურის ინჟინერ-ინსპექტორი; 2000-2003წწ. შსს ისანი-სამგორის დაცვის პოლიციის სამმართველოს უფროსი ინსპექტორი; 2003 წელს ერთიანი ნაციონალური მოძრაობის ც/ოფისი, რეგიონალური სამსახურის სამეგრელო–ზემო სვანეთის ინსპექტორი; 2005-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 275

• საქართველოს მე-6 მოწვევის პარლამენტი, წევრი (2005-2008)
• საქართველოს მე-6 მოწვევის პარლამენტის რეგიონული პოლიტიკის, თვითმმართველობისა და მაღალმთიანი რეგიონების კომიტეტი, წევრი (2005-2008)
• საქართველოს მე-6 მოწვევის პარლამენტის ფრაქცია "ერთიანი ნაციონალური მოძრაობა-დემოკრატები", წევრი (2005-2008)