მიტროპოლიტი დავითი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1981 წელს.

1981-1983წწ. მუშაობდა "ქართულ ფილმში" და ძეგლთა დაცვის სამმართველოში; 1984 წლიდან არის გარეჯის მუზეუ–ნაკრძალის უფროსი მეცნიერ თანამშრომელი; 1988 წლის 23 ნოემბერს იგი დიაკვნად აკურთხეს, ამავე წლის 25 დეკემბერს კი – მღვდლად, რის შემდეგაც დაინიშნა გარეჯის მონასტრისა და ფერისცვალების ეკლესიის წინამძღვრად; 1991 წლის 28 ოქტომბერს ბერად აღიკვეცა; 1992 წლიდან 1993 წლის 28 აგვისტომდე განაგებდა ბოდბის ეპარქიას; 1992-1993წწ. ხელმძღვანელობდა საპატრიარქოს საგარეო საქმეთა განყოფილებას, ხოლო 1993 წლის სექტემბრიდან ალავერდის ეპარქიის მღვდელმთავრად დაადგინეს; 1996 წლის 25 დეკემბერს მთავარეპისკოპოსის, ხოლო 2000 წლის 28 ნოემბერს მიტროპოლიტის ხარისხი; 1986-1987წწ. სრულიად საქართველოს კათოლიკოს–პატრიარქის ილია II-ის ლოცვა კურთხევით მან მოამზადა მაკეტი და დაიწყო სახარების ნუსხურად გადაწერა ეტრატზე(ხბოს ტყავი, ზომა 150 სმ X 80 სმ); მისი ხელნაწერია თბილისის სამების საპატრიარქო ტაძარში დაბრძანებული ოქროჭედული ოთხთავის მათეს სახარება და მარკოზის სახარების ნაწილი; 2010 წლის 24 ოქტომბერს კონკურსის "არქიტექტურული პრემია 2010-ის" ნომინაციაში "რესტავრაცია–რეკონსტრუქცია" გაიმარჯვა პროექტმა "ალავერდის მონასტრის მარანი", რომელიც მისი უშუალო ხელმძღვანელობით განხორციელდა.

წყარო: საქართველო: ენციკლოპედია: ტ.2. – თბ., 2012. – გვ.291; საქართველოს საპატრიარქოს ვებგვერდი: patriarchate.ge

• გალობის ცენტრი, თავმჯდომარე (2006-)
• საპატრიარქოს სოფლის მეურნეობის განვითარების ცენტრი, თავმჯდომარე
• საპატრიარქოს ხუროთმოძღვრების საბჭო, თავმჯდომარე (1988-)
• საპატრიარქოს ხუროთმოძღვრების, ხელოვნებისა და რესტავრაციის ცენტრი, თავმჯდომარე (2003-)

• 2008 - წმინდა გიორგის ორდენი