ლიანა დავლიანიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1952 წელს.

1954-1955წწ. მუშაობდა საქართველოს მეცნიერებათა აკადემიის ვარძიის მუზეუმ–ნაკრძალში; 1956-1990წწ. ი. ჯავახიშვილის სახელობის ისტორიის და ეთნოლოგიის ინსტიტუტში; 1990-2006წწ. საქართველოს ტექნიკურ უნივერსიტეტში; კითხულობდა საქართველოს ისტორიის კურსს (უძველესი დროიდან XIX ს–მდე); შეისწავლა და გამოაქვეყნა თმოგვის ციხის მიდამოების სომხური ეპიგრაფიული ძეგლები (1959); თარგმნილი და გამოქვეყნებული აქვს სომხური საისტორიო მწერლობის არაერთი მნიშვნელოვანი ძეგლი შესავალი წერილითა და შენიშვნებით: მხითარ გოშის "ალვანეთის ქრონიკა" (1968), ზაქარია აგულეცის "დღიური" (1979), იაკობ შემახელის "თამაზ ყულიხანის ლაშქრობანი"(1978), აბრამ ერევანცის "ომების ისტორია" (1976); აქვს მხატვრული თარგმანიც; ისტორიის მეცნიერებათა დოქტორი (1990), პროფესორი (1992).

წყარო: საქართველო: ენციკლოპედია: ტ.2. – თბ., 2012. – გვ.293

• 1976 - ივანე ჯავახიშვილის სახელობის მედალი

• ქრონოგრაფიული ისტორია (მთარგმნელი). - თბილისი, მეცნიერება, 1990. - 142გვ.