სპარტაკ თაქთაქიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1949–1956წწ. იყო სანიტარიისა და ჰიგიენის განყოფილების ექიმი–ჰიგიენისტი; 1956–1960წწ. თბილისის ექიმთა დახელოვნების სახელმწიფო ინსტიტუტის ჰიგიენის კათედრის ასისტენტი; 1960–1979წწ. პესტიციდების ჰიგიენისა და ტოქსიკოლოგიის ლაბორატორიის გამგე; 1979–1984წწ. საქართველოს ჯანდაცვის სამინისტროს შრომის ჰიგიენისა და პროფ–დაავადებათა სამეცნიერო კვლევითი ინსტიტუტის დირექტორის მოადგილე სამეცნიერო დარგში;1984–1986წწ. კასპის სანეპიდსადგურის მთავარი ექიმი; 1986–1991წწ. რესპუბლიკური კლინიკური საავადმყოფოს ექიმი–დერმატოლოგი და სამკურნალო კვების სექციის გამგე; 1991 წლიდან სანიტარიისა და ჰიგიენის სამეცნიერო კვლევითი  ინსტიტუტის კვების ჰიგიენის განყოფილების გამგე. ავტორია 86 სამეცნიერო ნაშრომის. პედაგოგიურ მოღვაწეობას ეწეოდა სამედიცინო ინსტიტუტ "დასტაქარში". ექიმი ჰიგიენისტი, მედიცინის მეცნიერებათა კანდიდატი.

საკანდიდატო დისერტაციის თემა - "კობალტისა და ნიკელის შემცველობა საქართველოს კვების პროდუქტებში და მათი ბალანსი ადამიანის ორგანიზმში", დაიცვა 1964 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.116

• საქართველოს ჰიგიენისტთა საზოგადოება, წევრი (1951-)