ლამარა თვალიაშვილი

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1961 წელს.

1969–1994წწ. იყო ტრავმატოლოგიისა და ორთოპედიის სამეცნიერო კვლევითი ინსტიტუტის ორდინატორი (ახლანდელი აკადემიკოს ო. ღუდუშაურის სახელობისეროვნული სამედიცინო ცენტრი); 1994–1996წწ. უფროსი მეცნიერ–თანამშრომელი; 1996 წლიდან წამყვანი მეცნიერ–თანამშრომელი. გამოქვეყნებული აქვს სამეცნიერო ნაშრომები, საავტორო უფლებებით აღიარებული და კლინიკაში დანერგილი 48 გამოგონება. მისი სამეცნიერო მუშაობის ძირითადი სფეროა დისტრაქციული მეთოდის გამოყენებით მტევნისა და ტერფის ანომალიებისა და დაზიანებების მკურნალობა. მუშაობს ტერმინოლოგიურ ლექსიკონზე ორთოპედია–ტრავმატოლოგიაში. უმაღლესი კატეგორიის ორთოპედ–ტრავმატოლოგი (1993), მედიცინის მეცნიერებათა კანდიდატი.

საკანდიდატო დისერტაციის თემა - "სინდაქტილიის დროს თითების ადგილობრივი პლასტიკისათვის მომზადების დისტრაქციული მეთოდი", დაიცვა 1986 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.119; საქართველო: ენციკლოპედია: ტ. IV. -თბ., 2018. -გვ.57

• საქართველოს ახალგაზრდა მეცნიერთა საზოგადოება, საპატიო წევრი
• საქართველოს ორთოპედ–ტრავმატოლოგთა ასოციაცია, პასუხისმგებელი მდივანი
• საქართველოს ორთოპედ–ტრავმატოლოგთა საზოგადოება, წევრი

• 1993 - უმაღლესი კატეგორიის ორთოპედ–ტრავმატოლოგი
• 1988 - რესპუბლიკის დამსახურებული გამომგონებელი
• 1987 - სსრკ სახელმწიფო პრემია
• 1983 - სსრკ გამომგონებელის წოდება