დევი აბაშიძე

დაბადების ადგილი: სოფელი ისლარი, ხარაგაულის რაიონი.

დაამთავრა საქართველოს შოთა რუსთაველის სახელობის თეატრალური ინსტიტუტის სარეჟისორო ფაკულტეტი 1953 წელს.

სწავლობდა თბილისის სამედიცინო ინსტიტუტში 1941–1944 წლებში, საიდანაც გარიცხეს ტროცკისტის შვილობის ბრალდებით. 1944–1948 წლებში მუშაობდა მსახიობად სხვადასხვა თეატრსა და სახელმწიფო ანსამბლში. 1953–1956 წლებში იყო ქუთაისის ლადო მესხიშვილის სახელობის დრამატული თეატრის დამდგმელი რეჟისორი და დასის გამგე. დადგმული აქვს შემდეგი სპექტაკლები: კ. ბუაჩიძის "ეზოში ავი ძაღლია", "მკაცრი ქალიშვილები", პ. ჯაკომეტის "დამნაშავის ოჯახი", დ. გორგაძის "ნაცნობი სახეები" და სხვ. 1957 წლიდან იყო კინოსტუდია "ქართული ფილმის" რეჟისორი. გადაღებული აქვს ფილმები: "დიდოსტატის მარჯვენა", (1969, ვ. ტაბლიაშვილთან ერთად), "ჩაძირული ქალაქის მაძიებელნი" (1972), "მრავალჟამიერი"(1976, სცენარის თანაავტორი), "ყვარყვარე" (1978), "გამოაღეთ ფანჯრები"(1980, სცენარის თანაავტორი), "ყველა კომეტა როდი ქრება" (1982), "ომი ყველასთვის ომია" (1990) და სხვ.

წყარო: საქართველო: ენციკლოპედია: ტ.I.–თბ., 1997.–გვ.20; წიგნი ღირსებისა: წ. 1 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.237

• 1999 - ღირსების ორდენი
  ქართული თეატრისა და კინოხელოვნების განვითარებაში შეტანილი პირადი დიდი წვლილისათვის, ნაყოფიერი შემოქმედებითი და საზოგადოებრივი მოღვაწეობისათვის
• 1995 - ღირსების მედალი
• 1980 - საქართველოს ხელოვნების დამსახურებული მოღვაწე