თალიკო თოხაძე

დაბადების ადგილი: ქ. ოზურგეთი.

დაამთავრა თბილისის სახელმწიფო სამედიცინო ინსტიტუტის სანიტარული ჰიგიენის ფაკულტეტი 1949 წელს.

1949–1959წწ. იყო მახარაძის ბავშვთა პოლიკლინიკის ექიმი–პედიატრი; 1959–1961წწ. თბილისის სახელმწიფო სამედიცინო ინსტიტუტის საფაკულტეტო პედიატრიის კათედრის კლინიკური ორდინატორი; 1961–1965წწ. რუსთავის მთავარი პედიატრი; 1965–1976წწ. კურორტოლოგიისა და ფიზიოთერაპიის სამეცნიერო კვლევითი ინსტიტუტის კლინიკური განყოფილების პედიატრიული ჯგუფის უმცროსი მეცნიერ–თანამშრომელი; 1977 წლიდან ამავე ინსტიტუტის უფროსი მეცნიერ–თანამშრომელი. ავტორია 50 სამეცნიერო ნაშრომის. იყო საქართველოს კურორტებზე არსებული ბავშვთა სანატორიუმების კონსულტანტი; თბილისის ჯანმრთელობის დაცვის სამმართველოს ქალაქის მთავარი შტატგარეშე სპეციალისტი ბავშვთა საკურორტო დახმარების დარგში. პედიატრი, მედიცინის მეცნიერებათა კანდიდატი.

საკანდიდატო დისრტაციის თემა - "ინფექციური არასპეციფიკური (რევმატოიდული) ართრიტით დაავადებულ ბავშვთა მკურნალობის შედარებითი ეფექტურობა კურორტების წყალტუბოსა და ახტალის პირობებში", დაიცვა 1975 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.125

• კურორტოლოგთა საზოგადოება, წევრი
• საქართველოს პედიატრთა სამეცნიერო საზოგადოება, წევრი
• ფიზიოთერაპევტთა საზოგადოება, წევრი