ზაზა დამენია

დაბადების ადგილი: ქ. ოზურგეთი.

სწავლობდა ქ. ყაზანის სამშენებლო ინსტიტუტში 1990-1992წწ., დაამთავრა (დაუსწრებლად) საქართველოს ტექნიკური უნივერსიტეტის ბათუმის ფილიალი სამრეწველო სამოქალაქო მშენებლობის სპეციალობით 2003 წელს.

1992 წლიდან მსახურობდა საქართველოს შეიარაღებული ძალების სადაზვერვო ბატალიონში; 1993 წელს იბრძოდა აფხაზეთში; 1995 წელს იყო გურიის სამხარეო შს სამმართველოს განსაკუთრებულ დავალებათა სამსახურის უზრუნველყოფის ჯგუფის უფროსი; 2002 წლიდან მსახურობდა ვაზიანის XI კომანდოს ბატალიონის მე–3 ასეულში; 2004 წელს ვაზიანის XI ბატალიონი გადაიყვანეს ცხინვალის რაიონში ქართული სოფლების დასაცავად; 16 აგვისტოს დაიღუპა მოწინააღმდეგე მხარის ერთ–ერთი შეტევის დროს (გადაეფარა ხელყუმბარას და საკუთარი სიცოცხლის ფასად თანამებრძოლები დაღუპვისაგან იხსნა); ოზურგეთის სკოლას სადაც იგი სწავლობდა მისი სახელი ეწოდა.

წყარო: საქართველო: ენციკლოპედია: ტ.2. – თბ., 2012. – გვ.302; საქართველოს თავდაცვის სამინისტრო: საქართველოს ეროვნული გმირები: history.mod.gov.ge

• 2004 - საქართველოს ეროვნული გმირი (გარდაცვალების შემდეგ)