გიორგი იმნაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1977 წელს.

1978–1979წწ. მუშაობდა ქალაქის მე–2 კლინიკურ საავადმყოფოში; 1979–1980წწ. მე–4 მთავარ სამმართველოს საავადმყოფოს კარდიოლოგიურ განყოფილებაში; 1980–1982წწ. კლინიკური ორდინატურა გაიარა კარდიოლოგიის სამეცნიერო კვლევით ინსტიტუტში; 1982–1998წწ. ამავე ინსტიტუტის რითმის მოშლის განყოფილებაში; 1993 წლიდან ფუნქციური დიაგნოსტიკის განყოფილების ხელმძღვანელი. ავტორია 14 სამეცნიერო ნაშრომის, რომლებიც ეხება გულის რითმის დარღვევების მექანიზმებსა და მკურნალობას, გულის ელექტროსტიმულაციის მეთოდების გამოყენებას. კარდეიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ანტირითმული პრეპარატების შერჩევა სუპერავენტრიკულური პაროქსიზმული ტაქიარითმიის ეპიზოდური მკურნალობისათვის გულის ტრანსეზოფაგური ელექტროსტიმულაციის მეთოდის გამოყენებით",  დაიცვა 1993 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.130