დავით აბესაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1973 წელს, თბილისის ი. ჭავჭავაძის სახელობის უცხო ენათა პედაგოგიური ინსტიტუტის ინგლისური ენის ფაკულტეტი 1980 წელს.

1973–1984 წლებში მუშაობდა "საქქალაქმსენსახპროექტის" არქიტექტორად; 1984 წლიდან იყო "საქკოოპრეკლამის"კომბინატის მთავარი მხატვარი; 1970 წელს მან თ. სეფერთელაძესა და მ. თავართქილაძესთან ერთად პოლიტექნიკურ ინსტიტუტში ჩამოაყალიბა ვოკალური ანსამბლი "ცისფერი ტრიო", რომელიც 1973 წლიდან გამოდიოდა როგორც საქართველოს სახელმწიფო ფილარმონიის პროფესიონალური კოლექტივი. 1979 წლიდან იყო საქართველოს ტელერადიოს სოლისტი. ტენორი.

წყარო: საქართველო: ენციკლოპედია: ტ.I.–თბ., 1997.–გვ.28; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.208; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.35

• 2000 - ღირსების ორდენი
• 1988 - საქართველოს სახალხო არტისტი
• 1982 - საქართველოს კომკავშირის პრემია