ნათია ჭელიძე

დაამთავრა თბილისის სახელმწიფო უნივერსიტეტის ეკონომიკის ფაკულტეტი 2003 წელს; ასპირანტურა- 2006 წელს და მოიპოვა სამეცნიერო ხარისხი - ეკონომიკის მეცნიერებათა კანდიდატი.

სადისერტაციო ნაშრომი - "შრომითი მიგრაცია საქართველოდან". 2003-2006 წლებში გაიარა ასპირანტების მხარდამჭერი საერთაშორისო სამწლიანი პროგრამა "მიგრაციის რეგულირება: თეორია, მეთოდები და პრაქტიკა" (უნგრეთი, რუსეთის ფედერაცია).

2004 წლიდან არის თსუ მიგრაციის კვლევის ცენტრის მეცნიერ-თანამშრომელი, 2006 წლიდან ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე კითხულობს ლექცია/სემინარებს: "შრომის ეკონომიკა", "შრომის მსოფლიო ბაზარი და საერთაშორისო მიგრაცია". მას მონაწილეობა აქვს მიღებული 14 კვლევით პროექტში შრომითი მიგრაციის, ფულადი გზავნილების, შრომის ბაზრის, დაბრუნებულ მიგრანტთა რეინტეგრაციის, მიგრანტთა შრომითი უნარებისა და იგპ-ის შესახებ. ის არის 25 ანალიტიკური ნაშრომის ავტორი, მათ შორის, ერთი მონოგრაფიისა. 2011-2013 წლებში ის წარმოადგენდა საქართველოდან მკვლევარს პროგრამაში "CARIM East- Consortium for Applied Research on International Migration", რომელიც განხორციელდა ევროპული უნივერსიტეტის, რობერტ შუმანის ფონდისა და პოლონეთის მიგრაციული პოლიტიკის ცენტრის მიერ.

2002 მუშაობს საჯარო მოხელედ წლიდან: 2002-2005წწ. შსს, ინტერპოლის ეროვნული ცენტრალური ბიურო საქართველოში, ინსპექტორი, პოლიციის უფროსი ლეიტენანტი; 2005-2006წწ. შრომის, ჯანმრთელობის და სოციალური დაცვის სამინისტრო, შრომითი მიგრაციის სამმართველოს მთავარი სპეციალისტი; 2006-2012წწ. საქართველოს პარლამენტის რეგიონული პოლიტიკისა და თვითმმართველობის კომიტეტი, წამყვანი სპეციალისტი; 2012-2017წწ. საქართველოს ენერგეტიკის სამინისტრო, აპარატის უფროსი; 2017 წლიდან ქ. თბილისის მერიის ადმინისტრაციის უფროსის პირველი მოადგილე.

• შრომის ბაზარი და დაბრუნებულ მიგრანტთა რეინტეგრაცია საქართველოში (Co-Author). - თბილისი, უნივერსალი, 2012. - 154გვ.. - ISBN: 978-9941-17-601-2
• შრომითი ემიგრაცია პოსტსაბჭოთა საქართველოდან (Author). - თბილისი, ლეგა, 2006. - 200გვ.
• საქართველოს მოსახლეობის შრომითი ემიგრაცია (Author). - თბილისი, ცოდნის წყარო, 2000. - 32გვ.