დანიელი (მიტროპოლიტი)

დაბადების ადგილი: ქ. თბილისი.

დაამთავრა თბილისის თეატრალური ინსტიტუტის კინომცოდნეობის ფაკულტეტი 1977 წელს.

1983 წელს აკურთხეს დიაკვნად; 1985 წლის 28 აგვისტოს მღვდლად; დაინიშნა სიონის საკათედრო ტაძრის მღვდელმსახურად; პარალელურად გახდა სამთავროს დედათა მონასტრის მოძღვარი; 1990 წელს მიიღო დეკანოზის წოდება; 1990 წლის 1 ნოემბერს აღიკვეცა ბერად სიონის საკათედრო ტაძარში; მალევე გახდა არქიმანდრიტი და დაინიშნა სვეტიცხოვლის წინამძღვრად; 1991 წელს დაინიშნა ხულოს სასულიერო სასწავლებლის რექტორად; 1992 წლის 22 მაისს ხელდასმულ იქნა ბოდბელ ეპისკოპოსად; ამავე წლის 25 დეკემბერს ცხუმ–აფხაზეთის მღვდელმთავრად; 1993 წელს ცხუმ–აფხაზეთის მთავარეპისკოპოსად; 1995 წლიდან შეთავსებით მართავს ზუგდიდისა და ცაიშის ეპარქიას; 1999 წელს დაადგინეს მარგვეთის მთავარეპისკოპოსად; 2000 წელს ცხუმ–აფხაზეთის, 2002 წელს ჭიათურისა და საჩხერის მიტროპოლიტია; 2010 წლის დეკემბრიდან ცხუმ–აფხაზეთის ეპარქია გადავიდა სრულიად საქართველოს კათოლიკოს პატრიარქის გამგებლობაში და იგი დაინიშნა ჭიათურისა და საჩხერის ეპარქიის მოქმედ მღვდელმთავრად; 1989 წელს სრულიად საქართველოს კათოლიკოს–პატრიარქის ილია II-ის ლოცვა–კურთხევითა და დანიელ მიტროპოლიტის ხელმძღვანელობით მოეწყო წმინდა ნინოს მოლოცვითი გზა ფარავნიდან მცხეთამდე, რომელიც დღემდე გრძელდება; იგი ხელმძღვანელობს მრევლის შეკრებებს, წმინდა ადგილების მოლოცვას და სამრევლო ჯგუფებს, რომლებიც უვლიან უპატრონო მოხუცებულებსა და ავადმყოფებს.

წყარო: საქართველო: ენციკლოპედია: ტ.2. – თბ., 2012. – გვ.312

• 2007 - წმინდა გიორგის ორდენი