ძაგან აბულეთისძე

ძაგან აბულეთისძე იყო კახეთის დიდგვაროვანი ფეოდალი XII საუკუნის I მეოთხედში. იბრძოდა დავით აღმაშენებლის ცენტრალისტური პოლიტიკის წინააღმდეგ. მეფის ლაშქართან ერთ-ერთ ბრძოლაში დამარცხებულმა შიომღვიმის მონასტერს შეაფარა თავი. მონასტერმა იგი მეფეს გადასცა. დავით აღმაშენებელმა აბულეთისძის სახლს ჩამოართვა გიორგი II–ის მიერ ნაწყალობევი ზედაზნის ციხე, მუხრანი  და შიომღვიმის მონასტერს გადასცა.

წყარო: საქართველო: ენციკლოპედია: ტ.I.–თბ., 1997.–გვ.37