ძაგან აბულეთისძე

ძაგან აბულეთისძე იყო კახეთის დიდგვაროვანი ფეოდალი XIII საუკუნის შუა წლებში. კახეთის თეძმის პატრონი, ერისთავთერისთავის ივანე აბულეთისძის შვილი. ჰყავდა შვილები–ივანე და ლიპარიტი, შვილიშვილი ყარა–ბულა, ბიძა გიორგი და ბიძაშვილი ივანე. 1258 წელს მონაწილეობდა ბაღდადზე მონღოლთა ლაშქრობაში, საიდანაც დიდი ნადავლით დაბრუნდა. ნადავლის ნაწილით იყიდა სოფელი ანგროინი(შესაძლოა ახლანდელი ანგრევანი) და შიომღვიმის მონასტერსშესწირა, სადაც შეიქმნა მისი სამწირველო.

წყარო: საქართველო: ენციკლოპედია: ტ.I.–თბ., 1997.–გვ.37