აზიზ აგრბა

დაბადების ადგილი: სოფელი ყულანურხვა, გუდაუთის რაიონი.

დაამთავრა სოხუმის დრამატული სტუდია 1934 წელს.

1935–1936 წლებში სწავლობდა მოსკოვის ა. ლუნაჩარსკის სახელობის თეატრალური ხელოვნების ინსტიტუტის სარეჟისორო ფაკულტეტზე. 1931 წელს სოხუმის თეატრის აფხაზური დასის მსახიობია. 1936–1938წწ. იყო შოთა რუსთაველის სახელობის სახელმწიფო აკადემიურ თეატრთან არსებული დრამატული სტუდიის აფხაზური სექციის მსახიობი. 1939–1963წწ. იყო სოხუმის აფხაზური თეატრის მთავარი რეჟისორი და სამხატვრო ხელმძღვანელი. შესრულებული აქვს შემდეგი როლები: სეიდიყი (მ. ლაკერბაის "დანაყაი"), კელეში (გ. გულიას "შავი სტუმრები"), ანანია (ა. სუმბათაშვილის "ღალატი"), ბათაყვა (გ. გაბუნიას "მზის ამოსვლის წინ"), ესოპე (გ. ფიგეირედუს "ესოპე"), რაშიდი (ს. ჭანბას "მუჰაჯირები"), იაგო (უ. შექსპირის "ოტელო"), ყვარყვარე (პ. კაკაბაძის "ყვარყვარე თუთაბერი"). დადგმული აქვს სპექტაკლები: ნ. პოგოდინის "კრემლის კურანტები" (1959), უ. შექსპირის "ოტელო" (1941), გ. გულიას "შავი სტუმრები"(1951), ვ. აგრბას "გამარჯვება",  ს. ჯოპუასა და ა. ხუათლანძიას "თაგვი ბეღელში" (1958), ნ. პოგოდინის "კრემლის კურანტები" (1959) და სხვ. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.45; ხელოვნების კალენდარი თეატრი, მუსიკა, კინო. -თბ., 1992 .- გვ.72-73; kino-teatr.ru

• 1978 - დიმიტრი გულიას სახელობის პრემია
• 1971 - აფხაზეთის ასსრ სახალხო არტისტი
• 1954 - საქართველოს სახალხო არტისტი