ბიძინა ავალიშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემია 1947 წელს.

მან შექმნა ქართული კულტურის მოღვაწეთა, უმეტესად მწერალთა შემოქმედებითი პორტრეტები.  მოქანდაკეთაგან პირველმა გამოიყენა ხე სკულპტურული პორტრეტისათვის. მისი ძირითადი ნამუშევრებია: ალექსანდრე ყაზბეგი (1947, ხე), ვაჟა–ფშაველა (1948, ქვა), ვაჟა–ფშაველა (1955, ქვა, ქართული ლიტერატურის მუზეუმი), ვაჟა–ფშაველა(1987, ბრინჯაო, ჩარგალი), გალაკტიონი (1953, ხე, ქართული ლიტერატურის მუზეუმი), გალაკტიონი (1968, ბრინჯაო, მთაწმინდის პანთეონი), გალაკტიონი (1982, ბრინჯაო, სოფ. ჭყვიში), ფიროსმანი (1962–1963, ბრინჯაო, საქართველოს ხელოვნების მუზეუმი), მირზა გელოვანი (1963, მარმარილო, თიანეთი), გიორგი ლეონიძე (1974, ხე, სოფ. პატარძეული), აკაკი შანიძე (1979, ბრინჯაო, საქართველოს სურათების გალერეა), ტიციან ტაბიძე (1982, ბაზალტი, ქ. ვანი), ილია ჭავჭავაძე (1987, ქვა, საგურამო), ლადო ასათიანი (1987, ბრინჯაო, ცაგერი), აკაკი წერეთლისა (1992, ბრინჯაო) და ექვთიმე თაყაიშვილის (1993, ბრინჯაო) მონუმენტები.

წყარო: საქართველო: ენციკლოპედია: ტ.I.–თბ., 1997.–გვ.59; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.146

• 1997 - ღირსების ორდენი
• 1962 - საქართველოს დამსახურებული მხატვარი