გიორგი კალანდარიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1981 წელს.

1982–1983წწ. ცხაკაიას რკინიგზის საავადმყოფოს ექიმი თერაპევტი; 1983–1986წწ. მოსკოვის ნ. ი. პიროგოვის სახელობის მე–2 სამედიცინო ინსტიტუტის მედიკო-ბიოლოგიური ფაკულტეტის შინაგან სნეულებათა კათედრის ასპირანტი; 1986–1987წწ. ამავე ინსტიტუტის პედიატრიული ფაკულტეტის შინაგან სნეულებათა კათედრასთან არსებული კლინიკური ალერგოლოგიის კვლევითი ლაბორატორიის უმცროსი მეცნიერ-თანამშრომელი; 1987–1990წწ. მოსკოვის მე–2 სამედიცინო ინსტიტუტის მედიკო-ბიოლოგიური ფაკულტეტის შინაგან სნეულებათა კათედრის ასისტენტი; 1990 წლიდან თბილისის სახელმწიფო სამედიცინო ინსტიტუტის პედიატრიული ფაკულტეტის შინაგან სნეულებათა კათედრის ასისტენტი. 38 სამეცნიერო ნაშრომის ავტორი. კვლევის თემა: ფილტვების ქრონიკული უკმარისობის არამედიკამენტური მკურნალობა. ექიმი-თერაპევტი, მედიცინის მეცნიერებათა დოქტორი (1999).

საკანდიდატო დისერტაციის თემა - "მკურნალობის ექსტრაკორპორალური მეთოდების ზემოქმედება სისხლის ჰემოსტაზურ პოტენციალზე სუნთქვის ქრონიკული უკმარისობით ავადმყოფებში", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.135; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.332

• რუსეთის თერაპევტთა საზოგადოება, წევრი
• საქართველოს თერაპევტთა საზოგადოება, წევრი

• შინაგანი სნეულებები და მედდის მოვალეობა : სახელმძღვ. (თანაავტორი). - თბილისი, 2010. - 640გვ.
• შინაგან სნეულებათა დიაგნოსტიკა და თერაპია : სახელმძღვ. სამედ. უნ-ტის და სამედ. ინ-ტის სტუდ. (თანაავტორი). - თბილისი, სახ. სამედ. უნ-ტი, 2003. - 966გვ.