ავთანდილ შულავრელი

ავთანდილ შულავრელი იყო XVIII საუკუნის ქართველი ხუროთმოძღვარი. ააშენა ბარაკონის ღვთისმშობლის ტაძარი სოფელ წესთან. მისი სახელი მოხსენიებულია აღმოსავლეთის ფასადის წარწერაში: "ამისი ოსტატი შულავრელი ავთანდილ, ვინც ნახოთ, შენდობა ბძანეთ". მეორე წარწერის მიხედვით, ძეგლი 1753  წელს აუგიათ. ავთანდილ შულავრელი, როგორც ჩანს, აღმოსავლეთ საქართველოდან იყო. მას რაჭის ერისთავის როსტომის ბრძანებით აუგია ტაძარი, რომელიც ძველი ქართული გუმბათოვანი ხუროთმოძღვრების ერთ-ერთი უკანასკნელი მნიშვნელოვანი ნიმუშია.

წყარო: საქართველო: ენციკლოპედია: ტ.I.–თბ., 1997.–გვ.63