დარეჯან ბატონიშვილი

მეფე არჩილ II-ის ასული; 1685 წლიდან ცხოვრობდა და მოღვაწეობდა მოსკოვში; არჩილ II-ის გარდაცვალების შემდეგ მოსკოვის ქართული ახალშენის მეთაური გახდა; 1721-1723წწ. იღწვოდა საქართველოს პოლიტიკური კავშირის ჩამოსაყალიბებლად; ბოლომდე ერთგულად იბრძოდა რუსეთ–საქართველოს ურთიერთობის გამყარებისათვის; მის სასახლეში (მოსკოვში) ქართველები ეცნობოდნენ რუსული მოწინავე საზოგადოების აზრს; 1733–1736წწ. მისი ინიციატივით სოფელ ვსეხსვიატკოეში ძველი კარის ეკლესიის ნაცვლად ააგეს ახალი ტაძარი, რომელიც ქართველთა კულტურულ–რელიგიური ცენტრი გახდა.

წყარო: საქართველო: ენციკლოპედია: ტ.2. – თბ., 2012. – გვ.322