დარეჯან ბატონიშვილი

იმერეთის სამეფოს პოლიტიკური მოღვაწე; სოლომონ I–ის ასული; იმერეთის გავლენიანი თავადის ქაიხოსროს მეუღლე; აქტიურ მონაწილეობას იღებდა დასავლეთ საქართველოს პოლიტიკურ ცხოვრებაში; 1819-1820წწ. იმერეთის აჯანყების დროს, მეფის მთავრობამ გადაასახლა რუსეთში; დარეჯან ბატონიშვილი იყო XVIII საუკუნის დასასრულსა და XIX საუკუნის დასაწყისში მცხოვრები პირველი ქართველი მწერალი ქალი, მან ლექსად დაწერა სხვადასხვა ძილისპირული და საგალობელი, მას ეკუთვნის "ანბანთქება", "ღვთისმშობლის შესხმა". დარეჯან ბატონიშვილს მიეწერება მრისხანე სატირა თეოფილაქტეზე (რუსეთის მიერ დანიშნული საქართველოს ეგზარქოსი). გარდაიცვალა მოსკოვში.

წყარო: საქართველო: ენციკლოპედია: ტ.2. – თბ., 2012. – გვ.322; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.840