ზურაბ კალანდაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1950–1951წწ. იყო უბნის ექიმ–ორდინატორი; 1951–1952წწ. თბილისის ტუბ. საავადმყოფოს განყოფილების გამგე; 1953–1971წწ. მოსკოვის ტუბერკულოზის სამეცნიერო კვლევითი ინსტიტუტის კლინიკური ორდინატორი; 1972–1994წწ. უფროსი მეცნიერ–თანამშრომელი, ქირურგიული კლინიკის ხელმძღვანელი, თბილისის სახელმწიფო სამედიცინო ინსტიტუტის ფთიზიატრიისა და გულ-მკერდის ქირურგიის კათედრის გამგე; 1994 წლიდან ფთიზიატრიისა და პულმონოლოგიის კათედრის პროფესორი. ავტორია 160 სამეცნიერო ნაშრომისა; ეკუთვნის ერთი რაციონალური წინადადება, ერთი გამოგონება, ოთხი მეთოდური რეკომენდაცია, ორი მონოგრაფია; არის განცალკევებული ბრონქოსპირომეტრიის ორიგინალური მეთოდიკის ავტორი, თორაკო-ქირურგიული ინსტრუმენტის "ზვიგენის" გამომგონებელი; დანერ­გა ფილტვების ერთმომენტიანი ორმხრივი რეზექცია ტუბერკულოზის დროს; პროფესორ ლამარა ვაშაკიძის მეუღლე და პოლიტიკოს ნინო კალანდაძის მამა. პულმონოლოგი–ფთიზიატრი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "განცალკევებული  ბრონქოსპირომეტრია ფილტვის ტუპერკულოზისა და ემპიემის ქირურგიულ მკურნალობაში", დაიცვა 1962 წელს მოსკოვში; სადოქტორო დისერტაციის თემა - "რეზექციები ფილტვის ორმხრივი ტუპერკულოზის დროს", დაიცვა 1969 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.136; საქართველო: ენციკლოპედია: ტ. IV. -თბ., 2018.-გვ. 489; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.78: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.801-802

• საქართველოს მედიკო–ბიოლოგიური აკადემია, წევრი
• საქართველოს ფთიზიატრთა და პულმონოლოგთა ასოციაცია, პრეზიდენტი
• საქართველოს ფთიზიატრიისა და პულმონოლოგიის ასოციაცია, დამფუძნებელი

• 1999 - ღირსების ორდენი
  სტუდენტი-ახალგაზრდობის აღზრდა - განათლებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის
• 1997 - საქართველოს მედიკო-ბიოლოგიური აკადემია
  აკადემიკოსი
• 1987 - საქართველოს მეცნიერებათა დამსახურებული მოღვაწე