ალექსანდრე I (იმერეთის მეფე)

ალექსანდრე I იყო იმერეთის მეფე 1387–1389 წლებში. დავით ნარინის ჩამომომავალი,  იმერეთის ერისთავის ბაგრატ I-ის ძე. მამის გარდაცვალების შემდეგ, 1372 წელს საქართველოს მეფე ბაგრატ V დიდმა ერისთავად დანიშნა. რეზიდენცია ალექსანდრე I-ს შორაპანში ჰქონდა. 1387 წელს, როდესაც თემურ-ლენგმა ბაგრატ V დაატყვევა, ალექსანდრე I-მა იმერეთის მეფედ გამოაცხადა თავი. ბაგრატ V-ისა და მისი მემკვიდრის–გიორგის ერთგულნი დარჩნენ ოდიშის, ცხუმისა და სვანეთის ერისთავები, აგრეთვე გურიელი. ალექსანდრე I-ის გარდაცვალების შემდეგ იმერეთი კვლავ საერისთავო გახდა. მისი ასული თამარი ცოლად ჰყავდა საქართველოს მეფეს  ალექსანდრე I დიდს.

წყარო: საქართველო: ენციკლოპედია: ტ.I.–თბ., 1997.–გვ.98