თეა წულუკიანი

დაბადების ადგილი: ქ. თბილისი.

დაამთავრა ლიონის (საფრანგეთი) ამპერის სახელობის ლიცეუმი და მიიღო საშუალო განათლების ბაკალავრის დიპლომი 1992 წელს; ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი 1997 წელს; საგარეო  საქმეთა სამინისტროსთან არსებულ დიპლომატიის აკადემია 1998 წელს; საფრანგეთის სახელმწიფო მართვის სკოლა (ENA) მაგისტრის ხარისხით საჯარო ადმინისტრაციაში (MPA) 2000 წელს.

1997-1998წწ. საქართველოს საგარეო საქმეთა სამინისტროსთან არსებულ საგარეო პოლიტიკის კვლევისა და ანალიზის ცენტრი; 2000 წლიდან ადამიანის უფლებათა ევროპული სასამართლოს შტატიანი თანამშრომელი; 2005 წელს მიიღო უფროსი იურისტის საკლასო ჩინი; 2006 წლიდან სასამართლოს რეგლამენტის კომიტეტის წევრი; 2009 წლიდან მომხსენებელი ერთი მოსამართლის მიერ განსახილველ საქმეებზე; 2010 წელს დაბრუნდა საქართველოში; 2012 წ. საქართველოს მე-8 მოწვევის პარლამენტის წევრი, საარჩევნო ბლოკი: "ბიძინა ივანიშვილი - ქართული ოცნება", საარჩევნო ფორმა: მაჟორიტარული, მაჟორიტარი №9 ნაძალადევის საარჩევნო ოლქიდან; 2012-2020წწ. საქართველოს იუსტიციის მინისტრი; 2020 წლის 29 სექტემბერს, საარჩევნო კამპანიაში ჩართვის გამო, თანამდებობა დატოვა; 2019 წლის 13 სექტემბერს საქართველოს პრემიერ მინისტრის №365 ბრძანებით ვიცე-პრემიერის მოვალეობის შესრულება დაეკისრა; 2020-2021წწ. საქართველოს მე-10 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: პარტიული სიით. 2021 წლის 22 მარტს დაინიშნა საქართველოს კულტურის, სპორტისა და ახალგაზრდობის მინისტრად, 2024 წლის 26 სექტემბერს გადადგა თანამდებობიდან "ქართული ოცნების" საარჩევნო სიაში შეყვანის გამო; 2024 წლიდან - საქართველოს მე-11 მოწვევის პარლამენტის წევრი, საარჩევნო სუბიექტი: "ქართული ოცნება - დემოკრატიული საქართველო", საარჩევნო ფორმა: პარტიული სიით. 2024 წლიდან - საქართველოს პარლამენტის თავმჯდომარის მოადგილე. 

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.392

• პოლიტიკური პარტია "ჩვენი საქართველო-თავისუფალი დემოკრატები", წევრი (2010-2014)
• საქართველოს მე-10 მოწვევის პარლამენტი, წევრი (2020-2021)
• საქართველოს მე-10 მოწვევის პარლამენტის განათლების, მეცნიერებისა და კულტურის კომიტეტი, კომიტეტის თავმჯდომარე (2020-2021)
• საქართველოს მე-10 მოწვევის პარლამენტის ფრაქცია "ქართული ოცნება", წევრი (2020-2021)
• საქართველოს მე-11 მოწვევის პარლამენტი, პარლამენტის თავმჯდომარის მოადგილე (2024-)
• საქართველოს მე-11 მოწვევის პარლამენტი, წევრი (2024-)
• საქართველოს მე-11 მოწვევის პარლამენტის 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისია, კომისიის თავმჯდომარე (2025-)
• საქართველოს მე-11 მოწვევის პარლამენტის ფრაქცია "ქართული ოცნება", წევრი (2024-)
• საქართველოს მე-8 მოწვევის პარლამენტი, წევრი (2012-2012)
• საქართველოს მე-8 მოწვევის პარლამენტის ფრაქცია "ქართული ოცნება - თავისუფალი დემოკრატები", წევრი (2012-2012)

• Géorgie :[an album]/photographies d'Eric Dessert (ავტორი). - Grâne, Greaphis, 1999. - 71p.. - ISBN: 2907150987
• საერთაშორისო ურთიერთობების რაიმონ არონისეული კონცეფცია (ავტორი). - თბილისი, ნეკერი, 1998. - 35გვ.