ლადო დარჩიაშვილი

დაბადების ადგილი: სოფელი ანაგა, სიღნაღის რაიონი.  

სწავლობდა თბილისის სასულიერო სემინარიში (გარიცხეს აკრძალული ლიტეტრატურის კითხვისათვის); სწავლობდა საზღვარგარეთ (პარიზი, ბრიუსელი) 1898-1905წწ.; დაამთავრა ბრიუსელის უნივერსიტეტი.

აქტიურად თანამშრომლობდა გაზეთ "კვალთან"; იყო სოციალ დემოკრატიული გაზეთების "სხივისა" და "სიმართლის" ფაქტობრივი რედაქტორი; 1908 წელს გამოსცა ჟურნალი "ალიონი"; იზიარებდა ეროვნულ–ტერიტორიული ავტონომიის ფორმით ქართული სახელმწიფოს აღდგენის იდეას, რის გამოც უთანხმოება ჰქონდა თავის თანაპარტიელებთან; პირველი მსოფლიო ომის დროს იმყოფებოდა გერმანიაში, სადაც ინტერნირებულ იქნა; გარდაიცვალა ტყვეობაში. პოლიტიკური მოღვაწე, სოციალ–დემოკრატი, იურიდიულ და ეკონომიკურ მეცნიერებათა დოქტორი.

წყარო: საქართველო: ენციკლოპედია: ტ.2. – თბ., 2012. – გვ.329; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ. 840

• სოციალ-დემოკრატიული ჯგუფის მესამე დასი, წევრი

• რჩეული : პუბლიცისტიკა, თეორიული კვლევები, ესეები, პირადი წერილები (ავტორი). - თბილისი, ლამპარი, 2001. - 596გვ.