ალექსანდრე ლუარსაბის ძე

ალექსანდრე ლუარსაბის ძე ბაგრატიონი იყო ქართველი სამხედრო მოღვაწე, ვახტანგ V-ის ძის, ლუარსაბის შვილი. მსახურობდა ირანში, იყო შაჰის კარზე მყოფი ქართლის მეფის გიორგი XI-ის ნაცვალი ქირმანში, შემდეგ ავღანეთში. მეთაურობდა ავღანეთისა და ქირმანის ჯარების ქართულ რაზმებს(დაახლოებით 2 ათასი კაცი). ებრძოდა სპარსელთა წინააღმდეგ მირ ვაისის მეთაურობით აჯანყებულ ავღანელ და ბელუჯ ტომებს, დაიღუპა ყანდაართან ბრძოლაში. ქართული და უცხოური წყაროები მას ახასიათებენ როგორც მამაც მებრძოლსა და ნიჭიერ სარდალს.

წყარო: საქართველო: ენციკლოპედია: ტ.I.–თბ., 1997.–გვ.100