ავთანდილ დაუშვილი

დაბადების ადგილი: ქ. ჭიათურა.

დაამთავრა თბილისის რკინიგზის სატრანსპორტო ინჟინერთა ინსტიტუტის ხიდებისა და გვირაბების ფაკულტეტი 1947 წელს.

1948-1959წწ. მუშაობდა თბილისის რკინიგზის სატრანსპორტო ინჟინერთა ინსტიტუტში; 1959-1964წწ. საქართველოს პოლიტექნიკური ინსტიტუტში, გვირაბებისა და მეტროპოლიტენების კათედრაზე; 1964 წლიდან გარდაცვალებამდე ხელმძღვანელობდა ამავე კათედრას; მან შექმნა სხვადასხვა დანიშნულების გვირაბების ჰიდროიზოლაციის ახალი ხერხები და კონსტუქციები; მან პირველმა ჩამოაყალიბა გვირაბების მუდმივი სამაგრის გაანგარიშების მატრიცული ხერხი; მისი შრომები გამოქვეყნებულია პოლონეთში, უნგრეთსა და ჩეხოსლოვაკიაში; მიღებული აქვს სახელმწიფო ჯილდოები; ინჟინერი მიწისქვეშა ნაგებობათა მშენებლობის დარგში, ტექნიკურ მეცნიერებათა დოქტორი (1973), პროფესორი (1973).

წყარო: საქართველო: ენციკლოპედია: ტ.2. – თბ., 2012. – გვ.336; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.56

• ხალხთა მეგობრობის ორდენი

• გვირაბები : სახელმძღვ. პოლიტექნიკ. ინ-ტის სტუდენტებისათვის. (ავტორი). - თბილისი, თბ. : განათლება, 1972. - 359გვ.
• საზღვარგარეთული გვირაბგასაყვანი მანქანები (ავტორი). - თბილისი, სამეცნ.-ტექნ. ინფორმაციისა და პროპაგანდის ინ-ტი, 1968. - 20გვ.