ალექსანდრე ბატონიშვილი

ალექსანდრე ბატონიშვილი (ბაგრატიონი) იყო კახეთის მეფის დავით II-ის (იმამყული-ხანის) უფროსი ვაჟი, მაჰმადიანური სახელები–ალი-მირზა, ასან–მირზა. 1735  წელს თამაზ ყული-ხანმა (1736 წლიდან ნადირ-შაჰი) ქართლ-კახეთის მმართველად დანიშნა, შემდეგ კახეთის ნაიბად(არაბ. ნაცვალი, მოადგილე). ქართლ-კახეთის მოსახლეობის ანტიირანული გამოსვლების დროს ებრძოდა აჯანყებულებს. 1737 წელს ირანელებმა გადააყენეს. სცადა კახეთში გაბატონება, მაგრამ სპარსულ ტრადიციებზე აღზდრილი, მაჰმადიანი ალექსანდრე ბატონიშვილი ვერ დაუპირისპირდა თეიმურაზ II-ეს, იძულებული გახდა შერიგებოდა შაჰს და გაემგზავრა ირანში. იქ მეთაურობდა შაჰის გვარდიის ქართულ რაზმებს. მონაწილეობა მიიღო ნადირ-შაჰის ავღანეთის ლაშქრობაში. დაიღუპა ყანდაარზე იერიშის დროს.

წყარო: საქართველო: ენციკლოპედია: ტ.I.–თბ., 1997.–გვ.100