ნინო ალექსი-მესხიშვილი

დაბადების ადგილი: ქ. თბილისი.

1914 წელს მოსკოვში ერთდროულად დაამთავრა პედაგოგიური და დრამატული კურსები.

ხშირად გამოდიოდა მამასთან ერთად ვოდევილებსა და ფარსებში. მოღვაწეობდა რუსეთში(1914-1920, 1922-1925), კიევში(1920-1922) და თბილისის შოთა რუსთაველის სახელობის სახელმწიფო თეატრში(1926-1928). შესრულებული აქვს შემდეგი როლები: ქისტი ქალი(გ. რობაქიძის "ლამარა", 1926), კარმენსიტა(კ. ლიპსკეროვის "კარმენსიტა", 1927), ქსენია(ბ. ლავრენიოვის "რღვევა", 1928), დედოფალი ანა(ვ. სკრიბის "ჭიქა წყალი", 1941), დონა რაფაელი(ვ. სარდუს "ფლანდრია", 1942) და სხვ.  1928–1932 წლებში თბილისის ფილარმონიის ესტრადის მსახიობი იყო, ხოლო 1941–1946 წლებში კვლავ რუსთაველის სახელობის თეატრის სცენაზე გამოდიოდა. მეორე მსოფლიო ომის წლებში მონაწილეობას იღებდა ფრონტებზე და ჰოსპიტლებში, აგრეთვე დონბასელი, ჭიათურელი და ტყიბულელი მეშახტეებისათვის გამართულ კონცერტებში. დრამისა და ესტრადის მსახიობი. ვლადიმერ(ლადო) ალექსი–მესხიშვილის ქალიშვილი.

წყარო: საქართველო: ენციკლოპედია: ტ.I.–თბ., 1997.–გვ.104

• 1950 - საქართველოს სახალხო არტისტი