ნიკოლოზ დგებუაძე

დაბადების ადგილი: სოფელი ღანირი, ქუთაისის მაზრა.

დაამთავრა ქუთაისის ქართული სათავადაზნაურო გიმნაზია 1918 წელს; სწავლობდა თბილისის სახელმწიფო უნივერსიტეტის სიბრძნისმეტყველების ფაკულტეტზე ისტორიის განხრით 1920 წლიდან.

1918-1921წწ. იყო საქართველოს დემოკრატიული რესპუბლიკის ეროვნული არმიის ოფიცერი; საქართველო–სომხეთის ომის (1918), წითელ ხიდთან საბჭოთა ჯარისა (1920) და  1921 წლის თებერვალში კოჯორ–ტაბახმელასთან რუსული მე–11 წითელი არმიის წინააღმდეგ გამართული ბრძოლების, ამასთანავე ბათუმის ომის (1921, მარტი) აქტიური მონაწილე; 1922-1924წწ. საქართველოს დამოუკიდებლობის კომიტეტის რწმუნებული; საქართველოს ეროვნულ–დემოკრატიული პარტიის ახალგაზრდული ორგანიზაციის ერთ–ერთი ლიდერი; 1921-1924წწ. საქართველოს ეროვნულ განმათავისუფლებელი მოძრაობის მოღვაწე; 1924 წლის აგვისტოში აქტიურად მონაწილეობდა საერთო–ეროვნული აჯანყების მომზადებაში; 1924 წლის სექტემბერში აჯანყების ჩახშობის შემდეგ დახვრიტეს ძმასთან ლ. დგებუაძესთან ერთად თბილისში.

წყარო: საქართველო: ენციკლოპედია: ტ.2. – თბ., 2012. – გვ.343