სერგო ამაღლობელი

დაბადების ადგილი: სოფელი ამაღლება, ვანის რაიონი. 

1920-1924 წწ. სწავლობდა თბილისის სახელმწიფო უნივერსიტეტის იურიდიულ და ეკონომიკურ ფაკულტეტზე, ამავე დროს მუშაობდა გაზეთ "ტრიბუნაში"; 1924-1928 წწ. ლექციებს კითხულობდა თბილისის სახელმწიფო უნივერსიტეტსა და კონსერვატორიაში; 1925 წელს იყო რუსთაველის თეატრის დირექტორი; 1926-1927 წწ. სახკინმრეწვის დირექტორი; 1928-1936 წწ. სათავეში ედგა მოსკოვის სხვადასხვა შემოქმედებით დაწესებულებას: 1931–1932 წწ. მოსკოვის ახალი თეატრის, 1933-1936 წწ. კი მოსკოვის მცირე თეატრის დირექტორი და სამხატვრო ხელმძღვანელი; 1928-1937 წწ. მოსკოვის ჟურნალ-გაზეთებში სისტემატურად იბეჭდებოდა მისი კრიტიკული და თეორიული წერილები თეატრისა და კინოს შესახებ. რუსულ ენაზე დაწერა რამდენიმე პიესა: "კარგი ცხოვრება" (1934 დადგა მოსკოვის მეორე სამხატვრო თეატრმა), "ჩემი ქვეყანა" და სხვ. მისი მნიშვნელოვანი ნაშრომებია: "თეატრისა და კინოს პრობლემები" (თბ., 1928), მოსკოვში რუსულ ენაზე გამოცემული "ქართული თეატრი" (1930), "დიდი ბრძოლების დრამატურგია" (1933), "მცირე თეატრი" (1935). რეპრესირებული და შემდგომში რეაბილიტირებული.

წყარო: ქართული საბჭოთა ენციკლოპედია: ტ. 1.-თბ.,1975.- გვ. 350; საქართველოს პარლამენტის ვებგვერდი: სტალინური სიები საქართველოდან: nplg.gov.ge; სერგო ამაღლობელი : ცხოვრება და მოღვაწეობა/ჯაბა იოსელიანი.-თბ.,1978.-309გვ.

• თეატრისა და კინოს პრობლემები, ესთეტიკურ-სოციოლოგიური ნარკვევი (ავტორი). - ტფ., სახელგამი, 1928. - 424გვ.